Учора каманда Прэзідэнта Беларусі супрацьстаяла кітайскім хакеістам. Вынік матча - 14:9 на карысць Беларусі. Сёлета кітайская каманда ўпершыню прымае ўдзел у гэтым спаборніцтве. Хакей паступова развіваецца ў Кітаі, асабліва сярод моладзі, — зборная з’яўляецца адным з лідараў у Азіі. Аматарская каманда Кітая сфарміравана з гульцоў нацыянальнай каманды краіны і канадскіх хакеістаў, якія маюць кітайскія карані.
Сімвалічнае ўкідванне на пачатку матча зрабіў Філ Эспазіта. Легендарны хакеіст удзельнічаў у суперсерыі 1972 года паміж СССР і Канадай, з’яўляецца членам Залы хакейнай славы і мае шэраг высокіх узнагарод.
Матч пачаўся актыўна: ужо на другой хвіліне Канстанцін Кальцоў закінуў шайбу ў варота праціўніка. Аўтарам другога гола стаў Аляксей Калюжны. У перапынку ён расказаў журналістам: “Нібыта і кар’ера ў мяне доўгая была, але кітайцам ніколі не даводзілася забіваць”. Гэта першы Калядны турнір для Аляксея Калюжнага. Хакеіст падзяліўся, што гуляе з задавальненнем. Рады быў убачыць калег, якія гуляюць у іншых гарадах.
Кітайскі хакеіст Эрнест Лі адзначыў, што беларуская каманда вельмі моцная, добра кантралюе сітуацыю на лёдзе. “У нас было некалькі ўдалых спроб закінуць шайбу, але ў іх таксама добра працуе варатар”. Параўноўваючы матч з беларусамі і са швейцарцамі, які быў у першы дзень турніра, хакеіст адзначыў, што з кожнай гульнёй іх каманда лепш адчувае адзін аднаго: больш трэніруецца разам. Гэты турнір таксама стаў нагодай для некаторых кітайскіх гульцоў наведаць Беларусь упершыню, таму яны адзначаюць прыгажосць сталіцы і шчырасць фанатаў.
Па выніках матчу лепшым гульцом каманды Прэзідэнта Беларусі стаў Канстанцін Кальцоў, а Кітая -- Лян Дон.
Надзея АНІСОВІЧ
Фота БЕЛТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.