Вы тут

Беларусь перамагла Расію ў фінале Каляднага турніру


Каманда Беларусі перамагла сапернікаў з Расіі з лікам 6:1 (4:0, 1:1, 1:0) у фінале XIV Каляднага міжнароднага турніру аматараў хакея на прыз Прэзідэнта Беларусі.


Фіналісты спаборніцтваў упэўнена правялі папярэднюю частку, атрымаўшы па тры перамогі. Расійскую зборную прадстаўлялі гульцы з вялікім вопытам. Каманда сапернікаў беларусаў упэўнена правяла напярэдадні матч супраць чэхаў. Барацьба ў фінале чакалася ўпартай, аднак многае вырашыў зыход першых 20 хвілін сустрэчы ў "Чыжоўка-Арэне".

Гаспадары пляцоўкі ўжо на 3-й хвіліне стартавага перыяду адкрылі рахунак. Пасля кідка з сярэдняй дыстанцыі Андрэя Глебава нападаючы Аляксандр Кулакоў падкарэктаваў траекторыю палёту шайбы, падставіўшы клюшку - 1:0. Расіяне паспяхова правялі адрэзак у сярэдзіне перыяду і доўгі час трымалі супернікаў у напружанні, пагражаючы небяспечнымі кідкамі. Аднак хуткая атака беларусаў дазволіла вызначыцца Даніэлю Карсо, які неўзабаве аформіў галявы дубль. Замацаваў перавагу беларускай каманды Дзмітрый Мялешка - 4:0.

У самым пачатку другога перыяду беларусы закінулі пятую шайбу ў вароты расіян, пасля чаго госці значна дадалі ў хуткасці. Моманты ля варот гаспадароў пляцоўкі ўзнікалі даволі часта. На 27-й хвіліне матчу алімпійскі чэмпіён Сяргей Святлоў змог дабіць шайбу, якая захрасла ў шчытках галкіпера. У сярэдзіне другога перыяду расіяне таксама атрымалі магчымасць згуляць у большасці і здолелі нават вызначыцца голам, але шайба не была залічана, бо апынулася ў сетцы не па правілах. Пад заслону перыяду госці двойчы аказваліся ў меншасці, але закінуць да перапынку беларусы больш не змаглі.

У заключным перыядзе расіяне мелі некалькі магчымасьцяў, каб скараціць адставанне ў ліку, але выдатна на апошняй мяжы абароны дзейнічаў на працягу ўсёй гульні галкіпер Сцяпан Гарачэўскіх.

Каманды Беларусі і Расіі раней 11 разоў сустракаліся ў фінале Каляднага турніру аматараў хакея. Яшчэ двойчы ў вырашальны раўнд спаборніцтваў выходзілі хакеісты Фінляндыі.

Бронзавым прызёрам спаборніцтваў стала каманда Чэхіі.

БЕЛТА

Фота БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.