Музычны фестываль «Песня года Беларусі — 2017» пройдзе на сцэне Палаца Рэспублікі ў Мінску 28 лістапада.
Перад гледачамі выступяць каля 40 самых папулярных артыстаў краіны, сярод якіх Анатоль Ярмоленка, ансамбль «Песняры», Ядвіга Паплаўская, Аляксандр Саладуха, Алёна Ланская, Іскуі Абалян, Ганна Шаркунова, гурты «Тяни-Толкай», «Napolі», «Дрозды», «Topless», «Las Vegas» і многія іншыя!
Падчас канцэрта сумесны хіт, прэм'ера якога адбылася ў кастрычніку, упершыню публічна выканаюць Герман і Наташа Каралёва. Асновай для фарміравання рэпертуару канцэрта сталі спісы лідараў ратацый, якія падаваліся музычнымі рэдактарамі самых папулярных радыёстанцый Беларусі. Разглядаліся песні, якія трапілі ў гарачыя трэк-лісты з ліпеня 2017 года. Акрамя таго, па існуючай добрай традыцыі АНТ запрашае на «Песню года» народных улюбёнцаў і даўніх сяброў тэлеканала — Аляксандра Саладуху, Ядвігу Паплаўскую, ансамбль «Песняры», Анатоля Ярмоленку і ансамбль «Сябры», Аляксандру Гайдук, Ірыну Відаву. Свята, якое стала папулярнай і чаканай музычнай падзеяй для тысяч гледачоў і тэлегледачоў краіны, праводзіцца ўжо 12 гадоў запар. Тэлеверсія канцэрта «Песня года Беларусі — 2017» выйдзе ў эфір АНТ 25 снежня. Арганізатары «Песні года» — тэлеканал АНТ і Палац Рэспублікі.
Вікторыя ЗАХАРАВА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
