Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
цуглі — частка амуніцыі каня ў выглядзе двух металічных звёнаў;
шавіёт — варсістая шарсцяная тканіна;
гайня — некалькі сабак ці ваўкоў, зграя;
каміна́р — чысцільшчык комінаў;
прачуха́нка — вымова за што-небудзь;
сярнічка — запалка;
на пяць з плюсам — вельмі добра, цудоўна нешта рабіць, жыць (беларускія сінонімы: будзь здароў, дай бог кожнаму, люба-дорага; рускія адпаведнікі: на славу, на все сто);
хадзіць на пальчыках — далікатна абыходзіцца з кім-небудзь, паддобрывацца да каго-небудзь. Беларусы яшчэ скажуць: лістам слацца, рассыпацца дробным макам, падпускаць лёстачкі. Рускія: ходить на цырлах, ходить на задних лапках.
У Юрася Свіркі чытаем:
Вечна свет на тых глядзеў з павагай,
Перад тым на пальчыках хадзіў,
Хто яго выводзіў з раўнавагі,
Хто яму, згараючы, свяціў...
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Што за таемнымі дзвярыма?