Такое меркаванне выказаў намеснік старшыні Рэспубліканскага грамадскага аб'яднання «Белая Русь» Сяргей ПІГАРАЎ на круглым стале на тэму «Ад вытокаў дзяржаўнасці да ІТ-краіны», які прайшоў у Нацыянальнай акадэміі навук Беларусі.
— Можна колькі заўгодна казаць пра тое, што наша моладзь не павінна з'язджаць з Беларусі, аднак сітуацыя наўрад ці зменіцца, пакуль не будуць створаны ўмовы для камфортнага развіцця, — лічыць Сяргей Пігараў. — Але важна адзначыць, што сёння ў нашай краіне робіцца ўсё, каб гэтыя ўмовы з'яўляліся.
На яго думку, у будучыні цалкам рэальная сітуацыя, калі беларуская моладзь будзе адпраўляцца за мяжу па прафесійны вопыт, аднак потым вяртацца і рэалізоўвацца ў Беларусі. Дапамога ў гэтай сферы з'яўляецца таксама адной з прыярытэтных задач «Белай Русі», дадаў намеснік старшыні Рэспубліканскага грамадскага аб'яднання.
У працэсе падрыхтоўкі да трэцяга З'езду аб'яднання, які адбудзецца 28 кастрычніка ў Палацы Рэспублікі, удзельнікі «Белай Русі» актыўна вывучаюць працэсы ў палітычнай, эканамічнай, сацыяльнай і духоўнай сферах сучаснага беларускага грамадства. У рамках гэтай работы арганізацыя праводзіць шэраг круглых сталоў у Мінску, Гродне, Гомелі, Магілёве і Брэсце на базе прадпрыемстваў і вышэйшых навучальных устаноў. Акрамя саміх членаў «Белай Русі» на сустрэчах прысутнічаюць дэпутаты парламента, прадстаўнікі мясцовай улады, прафесары і выкладчыкі, супрацоўнікі Нацыянальнай акадэміі навук Беларусі і проста неабыякавыя грамадзяне.
У фармаце круглых сталоў у кожнага ёсць магчымасць выказацца і прапанаваць сваю ідэю ў любой сферы.
Уладзіслаў ЛУКАШЭВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?