Вы тут

Чым адкажуць на дэманстрацыю агрэсіі Паўночнай Карэі


КНДР упэўнена працягвае здзяйсняць дзеянні па рэалізацыі свайго курсу на абвастрэнне адносін з заходнім светам. 29 жніўня быў ажыццёўлены пуск балістычнай ракеты, якая пераляцела цераз паўночны ўсход Японіі, выклікаўшы паніку ў мясцовага насельніцтва, і ўпала ў Ціхі акіян. Такога не было амаль дваццаць гадоў. Паводле ацэнак экспертаў, яна пераадолела 2700 км і дасягнула максімальнай вышыні 550 км. Прычым гэта быў ужо васямнаццаты пуск балістычнай ракеты з боку КНДР у бягучым годзе.


Натуральна, што падобны крок выклікаў рэзкую крытыку з боку сусветнай супольнасці і абмен пагрозамі з ЗША, якія з'яўляюцца найважнейшым саюзнікам Японіі. Прэм'ер-міністр Японіі Сіндза Абэ і прэзідэнт ЗША Дональд Трамп правялі 40-хвілінную размову па тэлефоне, па выніках якой аб'явілі, што "ўзмоцняць ціск" на КНДР. Занепакоіліся і ў Сеуле, палічыўшы, што гэта рэакцыя Паўночнай Карэі на сумесныя ваенныя вучэнні ЗША і Паўднёвай Карэі. У выніку ў Паўднёвай Карэі Прэзідэнт Мун Чжэ Ян загадаў ваенным распрацаваць план наступлення на выпадак узброенага канфлікту з КНДР. Ён паказаў, што армія Паўднёвай Карэі павінна быць у стане хутка перайсці ў наступленне ў выпадку, калі Паўночная Карэя зробіць правакацыю, "пяройдзе рысу" або здзейсніць напад на Сеул. Здавалася, што далей ісці ўжо няма куды, дасягнуты максімальны пункт напружання адносін Пхеньяна з заходнім светам. Аказалася, што можна.

Раніцай 3 верасня ў раёне паўночнакарэйскага горада Кільчжу правінцыі Хамгён-Пукто быў зафіксаваны землятрус — па розных даных, магнітудай ад 5,2 да 6,4. Неўзабаве Паўночная Карэя паведаміла аб паспяховым выпрабаванні вадароднай бомбы. У КНДР заявілі, што створаны боезарад, які можа быць выкарыстаны для аснашчэння міжкантынентальных балістычных ракет. Ваенныя эксперты Паўднёвай Карэі ацанілі магутнасць выбуху ў 100 кілатон. Кіраўнік абароннага камітэта парламента Рэспублікі Карэя Кім Эн У падкрэсліў, што гэта прыкладна ў чатыры—пяць разоў мацней, чым ядзерная бомба, скінутая на Нагасакі ў 1945 годзе, якая забрала ад 60 да 80 тысяч жыццяў.

3 верасня кіраўнік Пентагона Джэймс Мэціс зрабіў важную заяву аб тым, што ўзброеныя сілы ЗША гатовыя даць "эфектыўны і падаўляльны ваенны адказ" у выпадку пагрозы для амерыканскіх тэрыторый або саюзнікаў Вашынгтона. У тэлефоннай размове прэзідэнта ЗША Дональда Трампа з прэм'ер-міністрам Японіі Сіндза Абэ першы пацвердзіў гатоўнасць прымяніць супраць КНДР ядзерную зброю. Таксама ўслед прагучала паведамленне аб тым, што міністэрства фінансаў ЗША ў адказ на выпрабаванне вадароднай бомбы ў Паўночнай Карэі распрацоўвае новы пакет санкцый супраць КНДР, які ўключае ў сябе поўную гандлёвую блакаду. Адным з варыянтаў прымусіць усе краіны свету, а не толькі саюзнікаў ЗША, яе выконваць можа стаць забарона на гандаль з ЗША любой краіне, якая не паслухаецца амерыканцаў і працягне гандаль з КНДР. Пра гэта заявіў сам Трамп. У адказ заснавальнік сайта WіkіLеаks Джуліян Асанж напісаў у сваім твітары, што галоўным гандлёвым партнёрам КНДР з'яўляецца Кітай, а ў Кітая з ЗША таваразварот на 650 мільярдаў долараў. Калі Кітай адмовіцца выконваць блакаду, а ЗША спыняць гандаль з Кітаем, Трамп будзе падвергнуты імпічменту.

Асаблівую заклапочанасць праяўляюць суседзі КНДР, Расія і Кітай. Абедзве краіны маюць свой погляд на падзеі, што адбываюцца. Масква і Пекін неаднаразова заклікалі бакі перастаць рабіць ваяўнічыя заявы і перайсці ад пагрозлівых дзеянняў да перагавораў. Імі прапанаваны прынцып "падвойнага замарожвання", у адпаведнасці з якім КНДР адмовіцца ад правядзення ядзерных і ракетных выпрабаванняў, а Вашынгтон і Сеул адмовяцца у адказ ад маштабных сумесных вучэнняў. На жаль, ні Захад, ні КНДР на гэтую прапанову не рэагуюць.

Па вялікім рахунку ў сапраўднай ядзернай вайне ніхто не зацікаўлены. Наўрад ці Кім Чэн Ын хоча страціць сваю ўладу ў выніку ваеннага паражэння, бо насельніцтва краіны ўсяго 25 мільёнаў чалавек і ў выпадку сапраўднай вайны ў яе няма шанцаў перамагчы згуртаваны заходні лагер. Расія і Кітай гатовы зрабіць усё магчымае, каб вайна не пачалася, паколькі Паўночная Карэя размешчана на іх межах і патэнцыйная ядзерная вайна нанясе велізарную шкоду іх тэрыторыі і насельніцтву. Асабліва можа пацярпець Кітай, вялізныя правінцыі якога Хэбэй, Шаньдун і Цзянсу, сталіца — Пекін, а таксама другі па значэнні горад краіны — Шанхай, размешчаны ўсяго ў некалькі сотнях кіламетраў ад патэнцыйнага тэатра ваенных дзеянняў. У Расіі сітуацыя хоць і прасцейшая у сілу малой заселенасці гэтай часткі яе тэрыторыі, але ўсё ж такі важны горад, як Уладзівасток, размешчаны паблізу мяжы з КНДР. Дзесяцігоддзямі КНДР лічылася саюзнікам Масквы і Пекіна, таму паспяховая атака ЗША супраць гэтай краіны стане таксама негатыўным рэпутацыйным фактарам, які падрывае значэнне Расіі і Кітая ў свеце. У сваю чаргу вайны баяцца Паўднёвая Карэя і Японія, размешчаныя непасрэдна на тэатры патэнцыйных ваенных дзеянняў. Яны стрымліваюць напор ЗША, баючыся, што тыя ўступяць у ваенныя ядзерныя дзеянні, якія фатальна адаб'юцца на экалогіі рэгіёна.

Сяргей Кізіма, доктар палітычных навук

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.