У краіне назіраецца ўстойлівая тэндэнцыя павышэння цікавасці насельніцтва да пражывання ў індывідуальных жылых дамах, заявіў учора намеснік міністра архітэктуры і будаўніцтва Дзмітрый Семянкевіч на адкрыцці міжнароднай спецыялізаванай выстаўкі «Драўлянае і каркаснае домабудаванне. Баня-2017».
Прадстаўнік Мінбудархітэктуры лічыць гэты напрамак сапраўды перспектыўным, бо такое жыллё валодае пэўнымі перавагамі ў параўнанні з шматпавярховай жылой забудовай. «Галоўная з іх сёння — магчымасць будаваць жыллё з максімальным улікам уласных патрабаванняў да колькасці памяшканняў, плошчы і планіроўкі», — адзначыў намеснік міністра. Паводле яго слоў, не менш важна і тое, што цяпер ёсць магчымасць узводзіць дом чэргамі, павялічваючы яго плошчу паступова пры з'яўленні фінансавых сродкаў і змене патрабаванняў да ўмоў пражывання. «І, безумоўна, спрыяльная экалагічная абстаноўка, бо, як правіла, індывідуальны жылы дом будуецца за горадам», — кажа Дзмітрый Семянкевіч.
Таксама ён адзначыў, што эксперты галіны прагназуюць павелічэнне аб'ёмаў індывідуальнага жыллёвага будаўніцтва за кошт павышэння індустрыялізацыі самога працэсу — праз перавод індывідуальнай вытворчасці ў механізаваны паточны працэс вырабу ў заводскіх умовах канструкцый, узбуйненых элементаў і блокаў дома з наступнай яго зборкай на будпляцоўцы. Абавязковы этап — распрацоўка розных тыпаў і архітэктурна-планіровачных рашэнняў індывідуальных жылых дамоў заводскага вырабу.
«Перадавыя тэхналогіі індустрыяльнага домабудавання, максімальная заводская гатоўнасць і мінімальна неабходны механізаваны мантаж на будаўнічай пляцоўцы дазваляюць паменшыць выдаткі будучых уласнікаў, расход матэрыялаў, а таксама павысіць якасць будаўніцтва, скараціць яго тэрміны і знізіць кошт дома», — падкрэсліў Дзмітрый Семянкевіч.
Сяргей КУРКАЧ
Фота БЕЛТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
