Студэнтка з Тэхаса Эмбер Катана Ванхек расказала, як з-за памылкі ў картах Google 119 гадзін не магла знайсці выхад з пустыні. Тое, што адбылося дзяўчына апісала ў Facebook.
Амерыканка на аўтамабілі ехала па картах Google ад паўднёвага краю Вялікага Каньёна ў бок вадаспадаў Хавасу. Сэрвіс параіў ёй звярнуць з шашы на грунтавую дарогу і ехаць каля 64 кіламетраў да наступнай шашы. На шляху да пункта прызначэння праграма рэкамендавала павярнуць на дарогу, якой не было відаць. Аднак дзяўчына працягнула рухацца па маршруце, які паказваўся на Google Maps. Яна ўперлася ў агароджу і не знайшла дарогі, да якой яе вёў сэрвіс. Тым часам на дварэ пачало цямнець, а GPS-сігнал знік. Ванхек у паніцы пачала шукаць сігнал, выехала на дарогу, але ўбачыла, што скончыўся бензін.
Застаўшыся ў пустыні, яна выклала камянямі словы SOS і HELP памерам у дзевяць метраў. Дзяўчына таксама паспрабавала прыцягнуць увагу з дапамогай вогнішча, аднак яно занадта хутка згарала. Калі план не спрацаваў, Эмбер адправілася шукаць месца, дзе лавіла б сотавая сувязь. Яна прайшла пешшу больш за 17 кіламетраў і толькі потым змагла патэлефанаваць у экстранныя службы. У выніку яе падабралі ратавальнікі на верталёце. У бальніцы ў Ванхек дыягнаставалі моцнае абязводжванне і сонечныя апёкі.
Іван Купарвас
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
