У Гомелі пад кіраўніцтвам старшыні Пастаяннай камісіі Савета Рэспублікі Нацыянальнага сходу Беларусі Аляксандра ПАПКОВА прайшло выязное пасяджэнне камісіі па рэгіянальнай палітыцы і мясцовым самакіраванні. Падчас яго парламентарыі абмеркавалі практыку прымянення законаў Рэспублікі Беларусь «Аб радыяцыйнай бяспецы насельніцтва» і «Аб прававым рэжыме тэрыторый, якія падвергліся радыеактыўнаму забруджванню ў выніку катастрофы на Чарнобыльскай АЭС».
Удзельнікі пасяджэння ўзнялі шэраг пытанняў аб удасканаленні сістэмы радыяцыйнага кантролю і маніторынгу радыеактыўнага забруджвання навакольнага асяроддзя, медыцынскім наглядзе насельніцтва і санаторна-курортным лячэнні дзяцей, якія пражываюць на забруджаных тэрыторыях, прымяненні ахоўных мер у сельскагаспадарчай галіне, выкарыстанні зямельных і лясных рэсурсаў, рэалізацыі інвестыцыйных праектаў і стварэнні новых вытворчасцяў.
(Больш падрабязна пра гэта чытайце ў наступным нумары «МС».)
Сумесныя праекты ядзерных тэхналогій.
