Увечары 25 снежня на тэлеканале АНТ адбудзецца фінал тэлепраекта «Талент краіны». Прафесійнае журы агучыць імёны самых таленавітых і перспектыўных удзельнікаў у кожнай узроставай групе (5—10 гадоў і 10—15 гадоў), якія атрымаюць грашовыя гранты ад спецыяльнага фонду Прэзідэнта Рэспублікі Беларусь па падтрымцы таленавітай моладзі.
Спаборнічалі юныя таленты па чатырох намінацыях: вакал, харэаграфія, інструментальнае мастацтва і арыгінальны жанр. У фінал прайшлі па пяць канкурсантаў з малодшай і старэйшай групы: выхаванцы цыркавой студыі Андрэй і Дзіяна Сітнік з Мазыра, спявачка з Мінска Сафія Астапюк, кларнетыст Глеб Варанкоў і піяніст Мікіта Шастакоў, выканаўца народных танцаў Яна Варабей з Баранавічаў, маленькая піяністка Сафія Курловіч і дэкламатарка Аліна Дзялендзік — абедзве з Салігорска, юныя спявачкі Аліна Пехцерава з Магілёва і Акуліна Андрэева з Мінска, танцор Павел Красоўскі.
Хто з іх найбольш варты перамогі, вырашыць кампетэнтнае журы: мастацкі кіраўнік Беларускай харэаграфічнай гімназіі-каледжа Інэса Душкевіч, галоўны рэжысёр Рускага тэатра Сяргей Кавальчук, саліст Вялікага тэатра оперы і балета Уладзімір Громаў, кампазітар Леанід Шырын і старшыня праўлення спецыяльнага фонду Прэзідэнта Рэспублікі Беларусь па падтрымцы таленавітай моладзі Кацярына Дулава.
Вікторыя ЗАХАРАВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.