Нарадам Кастрычніцкага (г. Мінска) Дэпартамента аховы, які нёс службу ў раёне вуліцы Асаналіева, затрыманы 23-гадовы раней не судзімы жыхар сталіцы, які займаўся распаўсюджваннем асабліва небяспечнага псіхатропа.
Увагу супрацоўнікаў міліцыі прыцягнуў малады чалавек, які хадзіў ад пад'езда да пад'езда і капаўся ў зямлі. Заўважыўшы дзіўныя паводзіны хлопца, супрацоўнікі міліцыі затрымалі яго. У ходзе асабістага вобыску ў мінчаніна было канфіскавана 10 грамаў асабліва небяспечнага псіхатропнага рэчыва, расфасаванага па пакеціках, абматаных ізастужкай. Хлопец паказаў месцазнаходжанне яшчэ 20 закладак, якія ён паспеў зрабіць. Акрамя гэтага, у мабільным тэлефоне затрыманага знойдзены тэкставы файл з месцамі закладак.
Паводле інфармацыі Кастрычніцкага РУУС г. Мінска, па месцы жыхарства фігуранта канфіскавана нерасфасаванае парашкападобнае рэчыва масай 65 грамаў, электронныя вагі і іншае, неабходнае для фасоўкі дробных партый забароненых рэчываў і далейшай іх рэалізацыі шляхам закладак. Таксама ў кватэры затрыманага былі знойдзены грошы ў суме 1300 рублёў і багатая калекцыя нажоў.
Затрыманы раслумачыў, што ўладкаваўся рабіць закладкі ў канцы ліпеня, працаваў на інтэрнэт-краму. Атрымліваў у пастаўшчыкоў па 100 грамаў псіхатропнага рэчыва, фасаваў і раскладваў дробнымі закладкамі. Пры гэтым сам наркотыкі не ўжываў. Маці затрыманы расказваў, што па начах працуе грузчыкам. Маладому чалавеку пагражае пакаранне ў выглядзе пазбаўлення волі тэрмінам да 15 гадоў з канфіскацыяй маёмасці або без канфіскацыі.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.