Напярэдадні парламенцкіх выбараў у Гродне стартавала маладзёжная абласная акцыя «Час ідэй — час выбару». Яе мэта — зацікавіць маладых людзей актыўна ўдзельнічаць у выбарчай кампаніі.
Сімвалам акцыі стаў гадзіннік са стылізаванай «галачкай» і 13-значным цыферблатам. Гадзіннік, сімвал пастаяннага руху, адлічвае час, які застаўся да важнай палітычнай падзеі ў краіне. «Галачка» сімвалізуе выбар. А 13-значны цыферблат азначае колькасць ініцыятыў і ідэй, якія моладзь Гродзеншчыны адрасуе дэпутатам ад 13 акруг рэгіёна. Актывісты БРСМ раздадуць сімвал акцыі, дзе можна будзе напісаць прапановы для дэпутатаў, усім ахвотным.
Стартаваўшы з флэш-моба і канцэртных нумароў у выкананні пераможцаў творчых праектаў БРСМ на пляцоўцы каля маладзёжнага цэнтра ў Гродне, акцыя «Час ідэй — час выбару» з 5 жніўня па 9 верасня пройдзе ва ўсіх раёнах вобласці.
Барыс ПРАКОПЧЫК
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
