Майстар-класы па зумбе пройдуць па ўсёй Беларусі

Аператар МТС запускае праект #МаяТрэніроўкаСёння, мэта якога — аб'яднаць беларусаў вакол спорту і далучыць іх да ідэй здаровага ладу жыцця. Першыя бясплатныя майстар-класы ў рамках новай ініцыятывы пройдуць ва ўсіх абласцях краіны ўжо ў бліжэйшую суботу, 18 чэрвеня.

Праект #МаяТрэніроўкаСёння скіраваны на прасоўванне здаровага ладу жыцця сярод беларусаў. Ён дазволіць усім ахвотным пераканацца ў тым, што сумесныя заняткі спортам — гэта выдатны спосаб праводзіць час з роднымі і блізкімі, а таксама заводзіць новыя знаёмствы.

У рамках праекта МТС правядзе гэтым летам серыю бясплатных спартыўных майстар-класаў ва ўсіх абласцях Беларусі. Далучыцца да трэніровак змогуць жыхары і госці Мінска, Брэста, Віцебска, Гродна, Магілёва і Мазыра. Прафесійныя трэнеры дапамогуць удзельнікам заняткаў паспрабаваць сябе ў ёзе, тай-бо, аэробіцы і іншых напрамках. Партнёрам праекта выступае сетка фітнэс-клубаў Grant Fitness.

Першыя майстар-класы праекта #МаяТрэніроўкаСёння будуць прысвечаны зумбе — арыгінальнаму стылю фітнэсу, у якім спалучаюцца элементы сальсы, фламенка, румбы і ча-ча-ча. Рухі ў ім паўтараць проста, і пры гэтым з дакладнасцю іх капіраваць неабавязкова.

Трэніроўкі па зумбе пройдуць на свежым паветры пад палымяныя лацінаамерыканскія рытмы. Удзел у іх бясплатны і не патрабуе спецыяльнай падрыхтоўкі. А тыя, хто зарэгіструюцца на майстар-клас загадзя, атрымаюць ад МТС у падарунак памятныя сувеніры.

Ва ўсіх гарадах заняткі па зумбе пачнуцца адначасова — у 11 гадзін. Трэніроўкі пройдуць у наступных месцах:

• Мінск — парк забаў "Dreamland" (уваход у парк будзе бясплатны);
• Брэст — парк культуры і адпачынку імя 1 мая;
• Віцебск — паркавая зона на набярэжнай ракі Віцьба;
• Гродна — парк Пышкі;
• Магілёў— паркавая зона на набярэжнай ракі Дубравенка;
• Мазыр — парк культуры і адпачынку імя Перамогі.

Зарэгістравацца на трэніроўку і даведацца расклад далейшых майстар-класаў можна на сайце sport.mts.by. А каб натхняць весці актыўны лад жыцця і іншых, можна дзяліцца ўражаннямі пра майстар-класы і проста здымкамі сваіх заняткаў спортам у сацыяльных сетках і ў суправаджэнні хэштэг Instagram # МаяТрэніроўкаСёння.

Сяргей РАСОЛЬКА