У Ліцэі БДУ паспяхова праходзіць эксперымент па выкарыстанні лічбавых тэхналогій на ўроках па фізіцы.
Фактычна ўрок ператвараецца ў відэалекцыю, насычаную тэматычнымі калажамі, табліцамі і формуламі. Для гэтага выкладчык загадзя запісвае чарговы ўрок на камеру. Пазней ён манціруе кадры і па сваім бачанні дадае патрэбную інфармацыю — пераканаўчы і выяўленчы рад. Якасць гуку забяспечвае датчык, які знаходзіцца на адзенні выкладчыка.
У такіх відэаўрокаў ужо выявілася нямала «плюсоў». Напрыклад, калі вучань не зразумеў пройдзены на занятках матэрыял або прапусціў урок, то ён можа вярнуцца да прагляду відэаматэрыялу і засвоіць вучэбны матэрыял у сваім тэмпе — не абмежаваны рамкамі ўрока. Усе запісы будуць даступныя на сайце Ліцэя БДУ.
— Мы плануем распаўсюдзіць гэты досвед таксама і на ўрокі па хіміі і біялогіі, — расказаў дырэктар навучальнай установы Макар ШНІП. — Будзем эксперыментаваць і ў такой абсалютна новай для нас форме заняткаў, як «перавернуты ўрок». Пры гэтай мадэлі навучання ліцэісты вывучаюць новы матэрыял дома самастойна. А на ўроку, падчас групавых заняткаў, яны могуць абмеркаваць усе праблемныя моманты і складанасці тэмы з настаўнікам.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
