Многа добрага сказана апошнім часам пра інстытуты трэцяга ўзросту, гурткі і курсы для пенсіянераў, якія ўзніклі пры тэрытарыяльных цэнтрах сацыяльнага абслугоўвання насельніцтва. Усё гэта апрабавана і паспяхова дзейнічае ў вялікіх гарадах. І прыемна бывае даведацца, што добрая справа дасягнула райцэнтраў.
У канцы снежня ў Пружанах адкрыта аддзяленне дзённага знаходжання для грамадзян пажылога ўзросту. Яго загадчыца Марына КАВАЛЬЧУК расказала, што ў гуртках, на курсах займаюцца 36 чалавек. Яшчэ пяцёра выказалі намер запісацца ў бліжэйшыя дні. Так што колькасць аматараў атрымаць новыя веды і навыкі, займацца самаразвіццём расце.
Самы папулярны ў пенсіянераў гурток — вакальна-харавы. Яго кіраўнік Валянціна Антонаўна Каробка таксама на пенсіі, у мінулым работнік культуры, шмат гадоў кіравала хорам, тут выступае як валанцёр. На рэпетыцыі да яе ходзяць 19 чалавек.
А невялікая група — пакуль толькі дзевяць ахвотных — займаюцца ў гуртку па вывучэнні італьянскай мовы. Вядзе гурток загадчыца аддзялення Марына Кавальчук. Паводле яе слоў, з боку слухачоў напачатку было шмат сумненняў, няўпэўненасці. Асобныя курсанты казалі, што ім ужо не пад сілу вывучаць замежную мову. Аказалася, наадварот, яны ідуць з апераджэннем праграмы. Першыя заняткі паказалі, што мову можна вывучаць у любым узросце. Гэта спрыяе паляпшэнню памяці, трэніроўцы інтэлекту. Пенсіянеры ўжо ведаюць шмат слоў, пяюць дзве італьянскія песні.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
