Фонд ААН у галіне народанасельніцтва (ЮНФПА) і Расійская Федэрацыя падпісалі пагадненне аб выдзяленні сродкаў на фінансаванне праекта міжнароднай тэхнічнай дапамогі «Падтрымка рэалізацыі Нацыянальнай праграмы дэмаграфічнай бяспекі Рэспублікі Беларусь». На рэалізацыю праекта будзе затрачана 1 140 000 долараў. Расія выдаткавала 900 000 долараў, яшчэ 180 000 — Фонд ААН у галіне народанасельніцтва і 60 000 — Дзіцячы фонд ААН.
Паводле слоў намесніка прадстаўніка Фонду ААН у галіне народанасельніцтва ў Рэспубліцы Беларусь Алены КАСЬКО, на працягу 30 месяцаў плануецца прааналізаваць тэндэнцыі шлюбнасці і нараджальнасці ў Беларусі, правесці даследаванне «Гендар і пакаленне», удасканаліць сістэму маніторынгу сацыяльна-працоўнай сферы ў частцы ацэнкі дэмаграфічнай сітуацыі і палітыкі, павысіць кваліфікацыю профільных спецыялістаў і ацаніць патрэбы ў спецыялістах-дэмографах. Такім чынам, плануецца ўдасканаліць сістэму маніторынгу эфектыўнасці дэмаграфічнай палітыкі, палепшыць сістэму дэмаграфічнай адукацыі ў краіне. Гэта лагічны працяг супрацоўніцтва Міністэрства працы і сацыяльнай абароны з ЮНФПА ў галіне рэалізацыі Нацыянальнай праграмы дэмаграфічнай бяспекі Рэспублікі Беларусь на 2011-2015 гады.
Святлана БАРЫСЕНКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».