«Лекфарм» стала першым фармацэўтычным прадпрыемствам Беларусі, якое бярэ ўдзел у міжнароднай выставе фармацэўтычнай прамысловасці, што праходзіць на гэтым тыдні ў Парыжы.
—На сваім стэндзе мы плануем правесці сустрэчы з нашымі патэнцыйнымі партнёрамі па кантрактнай вытворчасці, дамовіцца аб пастаўках сыравіны для новых і ўжо вядомых прэпаратаў, — тлумачыць начальнік аддзела знешнеэканамічнай дзейнасці СТАА «Лекфарм» Міхаіл АСТАПЧЫК. — Такія сустрэчы спрыяюць развіццю бізнесу. З аднаго боку, гэта магчымасць прадэманстраваць уласны патэнцыял па выпуску фармацэўтычнай прадукцыі, устанавіць эфектыўныя дзелавыя кантакты і пошук рашэнняў для развіцця вытворчасці розных формаў выпуску на тэрыторыі Беларусі, а магчыма, і на тэрыторыі ЕАЭС. З другога боку, для прадпрыемства таксама важна прааналізаваць апошнія распрацоўкі партнёраў і канкурэнтаў, азнаёміцца з замежнымі фармвытворцамі. Урэшце, мы першымі даведаемся аб новых тэндэнцыях і трэндах на фармацэўтычным рынку…
Выстава CPhІ Worldwіde Parіs 2014 — гэта прафесійная пляцоўка для абмену вопытам, наладжвання партнёрскіх стасункаў і заключэння выгадных кантрактаў паміж фармацэўтычнымі кампаніямі і прадстаўнікамі ўсіх сфер бізнесу, што задзейнічаны ў фармацэўтычнай вытворчасці.
Варта нагадаць, што гісторыя «Лекфарма» пачалася ў 2004 годзе, і сёння гэта прадпрыемства з сучаснай вытворчасцю, жорсткім кантролем якасці і высокакваліфікаваным персаналам.
Святлана БАРЫСЕНКА.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».