У мінулую суботу цэнтр Мінска стаў своеасаблівай пляцоўкай для прэзентацыі службы, якая заўжды гатовая дапамагчы тым, хто трапіў у надзвычайную сітуацыю. Міністэрства па надзвычайных сітуацыях арганізавала на галоўным праспекце сталіцы парад у гонар Дня пажарнай службы.
На беразе Свіслачы, у Цэнтральным дзіцячым парку імя Горкага ратавальнікі паказалі тэхніку для барацьбы з пажарамі, абсталяванне для тэрміновай эвакуацыі з небяспечнай тэрыторыі, пачаставалі кашай, прыгатаванай у паходнай кухні. Цікавае выступленне адбылося і на вадзе: хуткія маторныя лодкі, вадалазы — такое ў горадзе бачаць рэдка, але на рэках і азёрах гэтая служба заўжды гатовая прыйсці на дапамогу. Шчодрымі апладысментамі віталі гледачы ўдзельнікаў паказальнага выступлення ўзвода ганаровай варты Камандна-інжынернага інстытута МНС.
Яўген Пясецкі.
Фота аўтара.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.