«Мі­сіс Бе­ла­русь — 2014»: шоу прай­шло, а інт­ры­га за­ста­ла­ся

Хто з за­муж­ніх пры­га­жунь па­вя­зе сваю сям'ю на Маль­дзі­вы?

Уве­ча­ры па­ня­дзел­ка ля ста­ліч­на­га Па­ла­ца спор­ту бы­ло шмат­люд­на — пад­тры­маць удзель­ніц кон­кур­су пры­га­жос­ці ся­род за­муж­ніх жан­чын «Мі­сіс Бе­ла­русь» мно­гія пры­хо­дзі­лі сем'­я­мі. Але га­лоў­ная гру­па пад­трым­кі збі­ра­ла­ся ля служ­бо­ва­га ўва­хо­ду і скла­да­ла­ся з... амаль трох дзя­сят­каў дзя­цей. Пра­нік­нуў­шы­ся важ­нас­цю мо­ман­ту, бу­ду­чыя ўдзель­ні­кі дэ­фі­ле амаль не кап­ры­зі­лі, ня­гле­дзя­чы на тое, што мно­гім з іх да­вя­ло­ся вы­тры­маць ня­бліз­кую да­ро­гу — з Грод­на, Го­ме­ля, Ма­гі­лё­ва, На­ва­по­лац­ка...

Ах­вот­ніц атры­маць пер­шы афі­цый­на пры­су­джа­ны ты­тул «Мі­сіс Бе­ла­русь» бы­ло шмат — ка­ля 800 бе­ла­ру­сак узя­лі ўдзел у кас­тын­гу. Але толь­кі 15 з іх пры­дзір­лі­вае жу­ры да­ло «да­бро» на ўдзел у кон­кур­се. Каб апраў­даць гэ­ты да­вер і па­цвер­дзіць, што кож­ная з іх вар­та га­лоў­най ка­ро­ны, жан­чы­нам да­вя­ло­ся су­мя­шчаць тра­ды­цый­ныя ся­мей­ныя і гас­па­дар­чыя кло­па­ты з бяс­кон­цы­мі раз'­ез­да­мі, трэ­ні­роў­ка­мі, дэ­фі­ле, пра­цай з фа­то­гра­фа­мі, сты­ліс­та­мі і ві­за­жыс­та­мі, на­ват вы­ехаць у Літ­ву, каб па­да­браць і пры­ме­раць ад­мыс­ло­выя вя­чэр­нія ўбо­ры... Але ўсе гэ­тыя вы­сіл­кі, па­га­дзі­це­ся, вар­тыя га­лоў­на­га пры­за. «Мі­сіс Бе­ла­русь — 2014» атры­мае ад тэ­ле­ка­на­ла АНТ са­праў­ды ка­ра­леў­скі прыз — па­езд­ку для ўсёй сям'і на Маль­дзі­вы. Для дзвюх ві­цэ-мі­сіс пад­рых­та­ва­ны сер­ты­фі­ка­ты на знач­ную су­му.

Ка­лі ўдзель­ні­цы вы­клад­ва­лі­ся дзе­ля кон­кур­су на ўсе 200 пра­цэн­таў, то гле­да­чы, на наш по­гляд, кры­ху пад­ка­ча­лі. У вя­ліз­най за­ле Па­ла­ца спор­ту мы за­ўва­жы­лі ўся­го ча­ты­ры гру­пы пад­трым­кі, якія пад­рых­та­ва­лі­ся і зра­бі­лі пла­ка­ты, пост­ары, сцяж­кі, скла­лі кры­чал­кі для сва­іх кан­ды­да­так. «Ве­ра­ні­ка — ты леп­шая!» — рэ­пе­ці­ра­ва­лі ад­ны. «На­ша Та­ня — лепш за ўсіх!» — не са­сту­па­лі дру­гія. А гру­па сту­дэн­таў з Го­ме­ля прос­та скан­дзі­ра­ва­ла: «Ю-ля, Ю-ля!».

Ка­лі хва­ля­ван­не да­сяг­ну­ла апа­гея, з паў­га­дзін­най за­трым­кай шоу усё ж па­ча­ло­ся. Дэ­ка­ра­цыі і пра­лог ні­бы пе­ра­нес­лі пуб­лі­ку ў ша­га­лаў­скі Ві­цебск. Ма­лень­кія дам­кі, тан­цу­ю­чыя скры­па­чы і па­нен­кі з роз­на­ка­ля­ро­вы­мі на­га­мі, са­бра­ная з ка­ва­лач­каў кар­ці­на «Над го­ра­дам» — усё гэ­та бы­ло толь­кі завязкай пер­ша­га вы­ха­ду ўдзель­ніц. І дэ­фі­ле ў су­кен­ках бе­ла­рус­кіх ды­зай­не­раў, і та­нец у сціп­лых бо­дзі (як аль­тэр­на­ты­ва тра­ды­цый­на­му вы­ха­ду ў ку­паль­ні­ках) пуб­лі­цы спа­да­ба­лі­ся. Але без­умоў­ным «цві­ком» пра­гра­мы ста­ла дэ­фі­ле з дзець­мі — а іх у кан­кур­сан­так 27! Прак­тыч­на ўся за­ла не маг­ла стры­маць усме­шак, а не­ка­то­рыя і пра­сля­зі­лі­ся ад за­мі­ла­ван­ня, гле­дзя­чы, як юныя джэнтль­ме­ны кла­по­цяц­ца пра зу­сім ма­лень­кіх «дам», а тыя з го­на­рам вя­дуць за ру­ку са­мых пры­го­жых жан­чын на све­це — сва­іх мам... Вы­хад Воль­гі Жа­дзе­е­вай з 4 дзець­мі гле­да­чы ві­та­лі ава­цы­я­мі, а ўдзель­ні­кі кон­кур­су «Міс­тар Бе­ла­русь» — на­ват сто­я­чы. Не стрым­лі­ва­лі слоў за­хап­лен­ня ар­тыс­ты-муж­чы­ны, якія за­паў­ня­лі паў­зы па­між дэ­фі­ле му­зыч­ны­мі ну­ма­ра­мі. І Гер­ман, і Дзя­дзя Ва­ня, і Аляк­сандр Са­ла­ду­ха, які ўвай­шоў у жу­ры кон­кур­су, пры­зна­лі­ся, што пе­ра­жы­ва­юць за ўсіх удзель­ніц. Хі­ба толь­кі адзін з вя­ду­чых, Дзя­ніс Кур'­ян, ска­рыс­таў­шы­ся мо­ман­там, шчы­ра пры­знаў­ся, што ў яго ся­род кан­кур­сан­так ёсць фа­ва­рыт­ка — улас­ная жон­ка Юлія.

Свае фа­ва­рыт­кі бы­лі і ў гле­да­чоў, якія са­чы­лі за кон­кур­сам, а так­са­ма ў сты­ліс­таў, фа­то­гра­фаў і ў са­міх удзель­ніц кон­кур­су. Усе гэ­тыя сім­па­тыі вы­лі­лі­ся ў ты­ту­лы «Мі­сіс Фо­та», «Мі­сіс Эле­гант­насць», «Мі­сіс Су­час­ная ма­ма», «Мі­сіс Сяб­роў­ства» і «Мі­сіс гля­дац­кіх сім­па­тый». Жу­ры ж (не ве­да­ем, як ім гэ­та ўда­ло­ся, уліч­ва­ю­чы не­ве­ра­год­нае аба­ян­не ўсіх прэ­тэн­дэн­так) спы­ні­ла вы­бар уся­го на трох удзель­ні­цах. Не на­зы­ва­ю­чы ім­ёнаў, да­дзім пад­каз­кі: ад­на з фі­на­ліс­так прад­стаў­ляе ад­ра­зу два га­ра­ды і за­хап­ля­ец­ца страль­бой, дру­гая пра­цуе ў ту­ра­генц­тве і лю­біць па­да­рож­ні­чаць, а трэ­цяя, хоць і мае да­чы­нен­не да ма­дэль­на­га біз­не­су, час­та га­туе для бліз­кіх тор­ты. Ме­на­ві­та з гэ­тых жан­чын 18 мая гле­да­чы SMS-га­ла­са­ван­нем вы­бе­руць пер­шую «Мі­сіс Бе­ла­русь», якой і да­ста­нец­ца па­езд­ка на Маль­дзі­вы. Па­куль жа ка­ро­ну руч­ной ра­бо­ты з жэм­чу­гам і крыш­та­ля­мі Сва­роў­скі пры­ме­ра­лі ўсе тры фі­на­ліст­кі. Бо дзе­ля пры­го­жай кар­цін­кі тэ­ле­ві­зій­ні­кам да­вя­ло­ся за­пі­саць цы­ры­мо­нію ўзна­га­ро­джан­ня трой­чы ў роз­ных ва­ры­ян­тах. Так што шоу хоць і ад­бы­ло­ся, але інт­ры­га бу­дзе за­хоў­вац­ца яшчэ цэ­лыя тры тыд­ні.

Вік­то­рыя ЦЕ­ЛЯ­ШУК.

Да­вед­ка «Звяз­ды»

Сё­ле­та ў Бе­ла­ру­сі пра­хо­дзіць не адзін, а ад­ра­зу тры кон­кур­сы пры­га­жос­ці — ся­род дзяў­чат, муж­чын і жан­чын, якія ўжо ад­бы­лі­ся як жон­кі і ма­ці. Усе тры шоу ар­га­ні­за­тар — тэ­ле­ка­нал АНТ — ла­дзіць на гэ­тым тыд­ні, але ў тэ­ле­эфі­ры пер­шым бу­дзе па­ка­за­ны На­цы­я­наль­ны кон­курс пры­га­жос­ці «Міс Бе­ла­русь — 2014» — 2 мая (у пра­мой транс­ля­цыі).

Фі­нал кон­кур­су «Міс­тар Бе­ла­русь» за­пла­на­ва­ны для па­ка­зу 11 мая, «Мі­сіс Бе­ла­русь» мы ўба­чым 18-га. І не прос­та ўба­чым — пе­ра­мож­цаў кож­на­га з гэ­тых двух шоу ме­на­ві­та пад­час транс­ля­цыі вы­бе­руць гле­да­чы, раз­мер­ка­ваў­шы свае сім­па­тыі па­між тры­ма фі­на­ліс­та­мі, якіх вы­зна­чыць жу­ры.

Да­рэ­чы

Як рас­ка­за­ла кі­раў­нік ды­рэк­цыі спец­пра­ек­таў АНТ Ан­жэ­лі­на Мі­куль­ская, у тэ­ле­вер­сіі «Мі­сіс Бе­ла­русь» гле­да­чы ўпер­шы­ню ўба­чаць і ад­ва­рот­ны бок под­ыу­му. Пад­час шоу за за­сло­най бы­ло за­пі­са­на не­каль­кі ін­тэр­в'ю і сю­жэ­таў, якія да­зво­ляць больш поў­на ад­чуць ат­мас­фе­ру кон­кур­су.

Сён­ня ж у Па­ла­цы спор­ту прой­дзе фі­нал кон­кур­су «Міс­тар Бе­ла­русь — 2014», які ўпры­го­жыць не толь­кі сцэ­наг­ра­фія па­вод­ле твор­час­ці Ка­зі­мі­ра Ма­ле­ві­ча, але так­са­ма вы­ступ­лен­не но­ва­га скла­ду гур­та «ВІА Гра». Са­мы пры­го­жы бе­ла­рус атры­мае ў якас­ці пры­за двух­тыд­нё­вае са­фа­ры ў Аф­ры­цы, а так­са­ма пра­ва прад­ста­віць Бе­ла­русь на на­ступ­ным кон­кур­се «Міс­тар све­ту».

А суд­дзі хто?

У жу­ры кон­кур­су «Мі­сіс Бе­ла­русь — 2014» увай­шлі:

- мас­так Анд­рэй Сма­ляк,

- ды­рэк­тар На­цы­я­наль­най шко­лы пры­га­жос­ці Але­на Тро­іц­кая,

- сты­ліст Аляк­сандр Кі­ры­нюк,

- тэ­ле­вя­ду­чы АНТ Тэн­гіз Дум­ба­дзэ,

- за­слу­жа­ная ар­тыст­ка Бе­ла­ру­сі Іна Афа­нась­е­ва,

- ды­зай­нер Лін­да На­мус,

- чэм­пі­ён Алім­пій­скіх гуль­няў у Со­чы Ан­тон Куш­нір,

- стар­шы­ня Між­на­род­най фе­дэ­ра­цыі фіт­не­су, май­стар спор­ту СССР па спар­тыў­най гім­нас­ты­цы На­тал­ля На­ва­жы­ла­ва,

- спя­вак Аляк­сандр Са­ла­ду­ха.