Міністэрства гандлю ўзмоцніць кантроль за продажам кветак
Гэта адбываецца ўжо не першы раз: напярэдадні святкавання 8 Сакавіка Міністэрства гандлю нагадвае суб'ектам прадпрымальніцкай дзейнасці, якія рэалізуюць кветкавую прадукцыю, аб неабходнасці безумоўнага выканання патрабавання заканадаўства аб абароне правоў спажыўцоў і правілаў ажыццяўлення рознічнага гандлю. Гаворка ідзе пра абавязковую наяўнасць цэннікаў з указаннем наймення тавару, яго цаны, краіны паходжання і г.д. Пры гэтым усе падобныя аб'екты гандлю павінны ў абавязковым парадку захоўваць устаноўлены рэжым працы.
Мінгандлю ў бліжэйшы час плануе надаць пытанню захавання правілаў гандлю і патрабаванняў заканадаўства пры рэалізацыі суб'ектамі прадпрымальніцкай дзейнасці кветак і кветкавай прадукцыі асаблівую ўвагу. Да парушальнікаў будуць прымяняцца самыя жорсткія меры адказнасці — нават да закрыцця гандлёвых аб'ектаў.
Сяргей РАСОЛЬКА.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.