Сеткавае выданне zviazda.by

Як паведамілі ў Міністэрстве прыродных рэсурсаў КНР, летась аб’ём нацыянальных інвестыцый у геалагічную разведку, не звязаную з нафтай і газам, дасягнуў 25,2 мільярда юаняў, што на 10% больш у параўнанні з папярэднім годам, перадае «Жэньмінь жыбаа» анлайн». 

У Кітаі распрацавалі інавацыйную нацыянальную сістэму лічбавай ідэнтыфікацыі для галіны гуманоідных робатаў, якая імкліва развіваецца. Кожнаму робату прысвойваецца ідэнтыфікацыйны код з 29 сімвалаў, які забяспечвае нагляд і бяспечнае рэгуляванне ў гэтай сферы, перадае «Сіньхуа».

У павеце Цылянь Хайбэй-Тыбецкай аўтаномнай акругі правінцыі Цынхай (Паўночна-Заходні Кітай) адкрыўся навукова-папулярны музей ледніка Баі, перадае «Жэньмінь жыбаа» анлайн». 

У горадзе Юэян, што ў правінцыі Хунань (Цэнтральны Кітай), адкрылася першая ў краіне «Акадэмія барбекю». Набор першага курса пачаўся сёлета ў сакавіку, а ў маі першыя выпускнікі паспяхова прайшлі выніковую атэстацыю, перадае «Жэньмінь жыбаа» анлайн».

Інстытутам навукі і развіцця Кітайскай акадэміі навук выпушчана «сіняя кніга» (гэта афіцыйны штогадовы даклад або экспертная справаздача, прысвечаная аналізу канкрэтнай галіны, сацыяльнай сферы ці палітычнай ініцыятывы. Яны выпускаюцца дзяржаўнымі структурамі, даследчымі інстытутамі ці акадэмічнымі групамі) па пытанні навукова-тэхнічных інавацый і развіцця галін будучыні. У ёй сістэматычна аналізуюцца будучыя тэндэнцыі прамысловага развіцця з мэтай прыняцця рашэнняў і аказання падтрымкі ўсім сектарам, каб яны маглі займаць перадавыя пазіцыі ў галіне навукі і тэхнікі, а таксама планаваць развіццё галін будучыні, перадае «Сіньхуа».

У Пекіне было створана Аб’яднанне цэнтральных прадпрыемстваў Кітая па ўкараненні навукова-тэхнічных дасягненняў у вытворчасць. Гэты праект закліканы ліквідаваць бар’еры паміж навуковымі даследаваннямі і рынкам, а таксама садзейнічаць глыбокай інтэграцыі тэхналагічных інавацый і прамысловага развіцця, перадае «Жэньмінь жыбаа» анлайн».

Міністэрства жылля, гарадскога і сельскага будаўніцтва КНР заклікала да прыняцця комплексных мер для правядзення «дыягностыкі» гарадоў і іх абнаўлення, падкрэсліўшы, што праекты па абнаўленні павінны ажыццяўляцца толькі пасля правядзення адпаведнай работы, перадае «Сіньхуа».

Міжнародная кансалтынгавая кампанія BCG апублікавала «Справаздачу аб сусветным дабрабыце-2026» (Global Wealth Report 2026), паводле якой у мінулым годзе агульны кошт актываў у Сянгане (Ганконгу) вырас на 10,7% і дасягнуў 2,95 трлн дол. ЗША. Сянган упершыню абагнаў Швейцарыю і стаў найбуйнейшым у свеце цэнтрам трансгранічнага кіравання дабрабытам, перадае «Жэньмінь жыбаа» анлайн».

Колькасць прадпрыемстваў з удзелам замежных інвестыцый у Кітаі расце трэці год запар і перавысіла 530 тысяч, а агульны аб’ём назапашаных прамых замежных інвестыцый (ПЗІ) склаў больш за 3,6 трыльёна долараў. Аб гэтым паведамілі ў Міністэрстве камерцыі КНР, перадае «Сіньхуа».