Сеткавае выданне zviazda.by

Навагоднія святы часта спалучаны з гастранамічнымі лішкамі, нязвыклым графікам, празмернымі актыўнасцямі ці, наадварот, іх поўнай адсутнасцю. Вяртацца ў працоўны рытм бывае няпроста. Расказваем, як рабіць гэта правільна.

Новы год уступіў у свае правы, але святочнае чараўніцтва яшчэ не збіраецца сыходзіць! 3 і 4 студзеня — ідэальны час, каб выйсці з дому і напоўніць першыя дні 2026 года незабыўнымі эмоцыямі. У кожным горадзе вас чакае свая асаблівая магія.

Па добрай пераднавагодняй традыцыі ўжо пяты раз у сталіцы прайшоў конкурс «ТэхнаЁлка».

Традыцыйны святочны бутэрброд з чырвонай ікрой, які многія лічаць далікатэсам, можа нанесці сур’ёзную шкоду здароўю. Аб гэтым паведамляе «Мінская Праўда» са спасылкай на кандыдата медыцынскіх навук, дацэнта кафедры шпітальнай педыятрыі № 2 Інстытута мацярынства і дзяцінства Пірагоўскага ўніверсітэта Вольгу Тарасаву.

Па ўсходнім календары заступнікам 2026 года стане Конь, і па добрай традыцыі перад навагоднімі святамі сталічны заапарк абраў жывое ўвасабленне гэтага сімвала.

Напярэдадні свята многія задумваюцца, як атрымаць асалоду ад традыцыйных пачастункаў,не нашкодзіўшы пры гэтым свайму здароўю і самаадчуванню. Асабліва важна выконваць баланс, каб сустрэць раніцу 1 студзеня бадзёрым і поўным сіл, а не з цяжарам у страўніку і адчуваннем пераядання. Урач-нутрыцыёлаг Юлія ЖАКОТАВА расказала аб галоўных правілах здаровага навагодняга стала, аб тым, як падрыхтавацца да застолля і што абавязкова павінна быць на святочным стале.

Ёлачная цацка, без якой ужо немагчыма ўявіць навагоднія святы, мае працяглую і вельмі цікавую гісторыю. Аб гэтым распавядае часовая экспазіцыя «Цацкі, якія захоўваюць памяць», прадстаўленая ў Беларускім дзяржаўным музеі гісторыі Вялікай Айчыннай вайны. Каб выстаўка выклікала яшчэ большую цікавасць у дзяцей (а менавіта на гэту аўдыторыю найперш разлічана экспазіцыя), супрацоўнікі музея звязалі яе з адукацыйнай праграмай «Падарожжа ёлачнай цацкі ў гісторыі». «На выстаўцы прадстаўлены ёлачныя цацкі з калекцыі нашага музея, вырабленыя ў СССР у перыяд з 1945 да 1960 года, — адзначае метадыст культурна-адукацыйнага аддзела Беларускага дзяржаўнага музея гісторыі Вялікай Айчыннай вайны Кацярына КРАВЧЫК. — Напрыклад, расказваем, калі з’явіліся мантажныя цацкі або цацкі з кардону ці ваты, і просім дзяцей знайсці такія ж у экспазіцыі. Згадваем аб тым, што ў гісторыі Савецкага Саюза ёлачная цацка стваралася, пераўтваралася, развівалася, пастаянна мянялася».

У апошнія дні 2025 года ў Беларусь прыйшло сапраўды зімовае надвор’е з маразамі. Аднак сіноптыкі абяцаюць хуткую змену тэмпературы з мінуса на плюс і папярэджваюць аб галалёдных з’явах. У такі перыяд колькасць пацыентаў траўмапункта са стандартных 10–15 чалавек за змену можа рэзка павялічыцца да 70. Медыкі да такіх сітуацый гатовы, але паведамляюць, што звяртацца з траўмамі неабавязкова ў стацыянары. Траўматолагі прымаюць пацыентаў у паліклініках, прычым як у рабочыя гадзіны, так і ў выхадны і начны час (траўмапункты пры некаторых паліклініках).

Кожнае 31 снежня нехта ідзе ў лазню, а мы рэжам тазік «аліўе» і прыкладна столькі ж «селядца пад футрам». Гэта галоўныя навагоднія салаты, і яны павінны быць дасканалымі, ідэальнымі і проста вельмі смачнымі. Пажадана, кожны год рознымі, але ў той жа час — вядомымі і звыклымі. Аднак будзем шчырымі: штосьці ў традыцыях навагодняй гатоўкі мяняецца. Сённяшнія гаспадыні не жадаюць з раніцы і да бою курантаў шчыраваць на кухні, і тут на выручку прыходзяць розныя памочнікі. Дык як жа зрабіць святочны стол з класічнымі стравамі смачным і неардынарным? Пра сакрэт «аліўе» і тое, як не патраціць на гатаванне ўвесь дзень, расказалі эксперты.