Сеткавае выданне zviazda.by

У каледжах цяпер людна — у разгары ўступная кампанія. Учарашнія школьнікі, часцей за ўсё разам з бацькамі, прыносяць дакументы, удакладняюць конкурсную сітуацыю, звяраюцца са спісамі спецыяльнасцяў і робяць адзін з першых адказных выбараў у жыцці. Карэспандэнт «Звязды» пабывала ў адной з вядучых устаноў адукацыі па падрыхтоўцы спецыялістаў машынабудаўнічага профілю.

У гэтыя дні ў Гомельскай вобласці адзначаецца павышаная цікавасць да тэмы афармлення меддаведак для школьнікаў і дашкольнікаў да 1 верасня. Пра гэта паведаміла галоўны спецыяліст аддзела арганізацыі медыцынскай дапамогі галоўнага ўпраўлення па ахове здароўя Гомельскага аблвыканкама Марына Васільцова на брыфінгу пра праходжанне медаглядаў ва ўстановах аховы здароўя рэгіёна да пачатку навучальнага года, расказвае БелТА.

На гомельскім «Крышталі» выпускаюць 20 тыс. карат брыльянтаў у год. Такія даныя прыведзены на інфармацыйна-азнаямляльным семінары «Скарбы гомельскай зямлі: ад цукровай пяшчоты да глазуры брыльянтаў», арганізаваным Нацыянальным агенцтвам па турызме, паведаміла БелТА.

Аддзяленне пасольства Расіі плануецца адкрыць у Гомелі. Аб гэтым ішла размова на сустрэчы старшыні Гомельскага аблвыканкама Івана Крупко з саветнікам-пасланнікам пасольства РФ у Беларусі Уладзімірам Ваньке, перадае БелТА.

Камітэт дзяржаўнага кантролю Гомельскай вобласці выявіў завышэнне кошту матэрыялаў і работ у праектах будаўніцтва і рэканструкцыі дарог і мастоў, што дазволіла сэканоміць больш за 17,4 млн рублёў бюджэтных сродкаў. Пра гэта БелТА паведамілі ў КДК.

Гомельская сярэдняя школа № 75 з’яўляецца адной з самых буйных у вобласці — у ёй налічваецца больш за 2080 навучэнцаў, і 700 з іх па ўзросце ужо могуць афіцыйна працаўладкавацца. Аднак даць такую магчымасць усім ахвотным — задача няпростая. Таму ў школе распрацавалі цэлую сістэму праектаў другаснай занятасці і самых розных фарматаў карыснага працоўнага лета.

Спецыялісты дзяржаўнага санітарнага нагляду выявілі ў продажы партыю сланечнікавай халвы, якая не адпавядае патрабаванням бяспекі. Пра гэта паведамілі ў санітарна-эпідэміялагічнай службе Гомельскай вобласці.

Першы намеснік кіраўніка Адміністрацыі Прэзідэнта Уладзімір Пярцоў прадставіў сёння ў Гомельскім аблвыканкаме мясцовай вертыкалі і актыву паўднёва-ўсходняга рэгіёна новага памочніка Прэзідэнта Беларусі — інспектара па Гомельскай вобласці Юрыя Валяватага, прызначанага на гэту пасаду кіраўніком дзяржавы 8 ліпеня.

Першыя перамогі ва ўборачнай кампаніі — на рахунку аграрыяў КСУП «Агракамбінат «Холмеч» Рэчыцкага раёна. Менавіта працаўнікі гэтай гаспадаркі першымі не толькі ў сваім раёне, але і ў вобласці пераадолелі знакавую мяжу ў тысячу тон намалочанага і перавезенага збожжа новага ўраджаю.

Гарадскі пасёлак Карма лічыцца льняной сталіцай Гомельшчыны. Таму гэтай культуры тут надаюць асаблівую ўвагу, і яе ўборка ўпэўнена набірае тэмп. Першыя гектары пачалі церабіць і ў Рагачоўскім раёне. Менавіта сёлетні ўраджай павінен стаць першай сыравінай для абноўленай вытворчасці Кармянскага льнозавода. Як арганізавана гэтая праца, ад чаго залежыць пачатак уборкі і якія віды на ўраджай, карэспандэнт «Звязды» даведалася непасрэдна на полі.