У Гомелі працягваюць абнаўляць парк грамадскага транспарту. Да канца года на маршруты выйдуць каля 80 новых машын — як аўтобусаў, так і тралейбусаў. Пра гэта паведамілі ў гарвыканкаме.
Абнаўленне аўтапарка напрамую звязана з клопатам пра пасажыраў, падкрэслілі гарадскія ўлады. З 1 верасня пасажырапаток чакана вырасце, таму грамадскі транспарт павінен быць гатовы да асенняга сезона.
Ужо паступіла 15 новых тралейбусаў і 29 аўтобусаў. Да канца года чакаецца пастаўка яшчэ 7 тралейбусаў і 72 аўтобусаў, падзяліліся планамі ў гарвыканкаме.
Сучасныя машыны забяспечаць камфорт і бяспеку паездак. Разам з тым гарадскія ўлады заклікалі гамяльчан беражліва ставіцца да грамадскага транспарту, каб максімальна падоўжыць тэрмін яго службы.
