Кажуць, язык касцей не мае, але косці ламае. Калі перагаворы аб стабілізацыі сітуацыі ў сумежнай дзяржаве пераходзяць у актыўную фазу, дзеля ўрэгулявання ўзброенага канфлікту, наладжвання дыялогу ў ход ідзе якраз слова — тая мірная зброя, якая можа як зламаць, так і ацаліць. Вырашаць спрэчныя пытанні мірным шляхам — прэрагатыва слова, тым больш мастацкага, якое нясе любоў, якое знітоўвае пакаленні, закліканыя наладжваць канструктыўны дыялог у няпростай ваенна-палітычнай абстаноўцы, памятаючы пра культуру, гуманізм і высакароднасць.
Як ваяваць з дапамогай слова, якая цяпер роля творцы ў грамадстве, разважаем з пісьменнікам, дырэктарам выдавецтва «Мастацкая літаратура» Алесем Бадаком.
Яго вострае пяро заўсёды было напагатове: падчас шматлікіх пералётаў у службовых камандзіроўках, падчас чакання ў аэрапортах, падчас адпачынку...
