Міністэрства адукацыі зацвердзіла спіс конкурсаў і алімпіяд, за перамогу ў якіх школьнікі і студэнты змогуць атрымаць грашовую прэмію. Пра гэта паведамляецца на Нацыянальным прававым партале.
У пералік увайшло 46 конкурсаў і алімпіяд, за перамогу ў якіх маладыя людзі могуць разлічваць на грашовыя прэміі са спецыяльнага фонду Прэзідэнта Беларусі.
У гэтым спісе ёсць заключныя этапы рэспубліканскіх і міжнародных алімпіяд па вучэбных прадметах, міжнародная канферэнцыя юных вучоных, алімпіяда школьнікаў Саюзнай дзяржавы па рускай мове і літаратуры.
Таксама прэмію можна атрымаць тым, хто перамог у рэспубліканскіх конкурсах даследчых работ па вучэбных прадметах, рэспубліканскім конкурсе «Студэнт года», сусветным конкурсе вынаходстваў і маладзёжным праекце «100 ідэй для Беларусі».
Пастанова ўступае ў сілу пасля яе афіцыйнага апублікавання.
Прэв’ю: з адкрытых крыніц
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.