Заданні на ЦЭ і ЦТ будуць ідэнтычнымі па складанасці і структуры. Аб гэтым заявіў міністр адукацыі Андрэй Іванец у інтэрв’ю тэлеканалу СТБ, паведамляе БелТА.
«Уступная кампанія фактычна ўжо пачалася 20 сакавіка. Таму што з 20 сакавіка пачалася рэгістрацыя на цэнтралізаваны экзамен. Хацеў бы акцэнтаваць увагу, што з 9 па 22 красавіка пройдзе рэгістрацыя на цэнтралізаванае тэсціраванне. Кожны абітурыент разам з бацькамі павінен сам паклапаціцца аб тым, каб своечасова прайсці гэтую рэгістрацыю», — сказаў Андрэй Іванец.
У 2024 годзе адзіныя тэрміны правядзення ЦЭ і ЦТ. Цэнтралізаваны экзамен адбудзецца 27 і 30 мая 2024 года. Абітурыенты здадуць ЦЭ па прадмеце па выбары, а таксама па адной з дзяржаўных моў (беларускай, рускай). ЦТ па другім з двух профільных прадметаў — уступных іспытах у ВНУ на выбар абітурыентаў адбудзецца 3 і 6 чэрвеня.
«Хацеў бы адзначыць, што заданні, якія будуць выкарыстоўвацца пры правядзенні ЦЭ і ЦТ, з’яўляюцца абсалютна ідэнтычнымі як па складанасці, так і па іх структуры, па іх арганізацыі. ЦЭ будзе праводзіцца ў 144 пунктах для таго, каб кожны малады чалавек у сваім раёне меў магчымасць, далёка не з’язджаючы, здаць выпускны іспыт. А ЦТ будзе праходзіць, як і раней, у 40 пунктах, якія таксама ў нас вызначаны», — адзначыў міністр.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
