Двух дырэктараў аграпрадпрыемстваў у Мінскай вобласці затрымалі за хабар

У хабарніцтве выкрылі двух кіраўнікоў сельгасарганізацый Мінскай вобласці, паведамілі ў Міністэрстве ўнутраных спраў.

У перыяд пасяўной кампаніі супрацоўнікі органаў унутраных спраў праводзяць мерапрыемствы па выяўленні парушэнняў заканадаўства ў аграпрамысловым комплексе. Так, у Стаўбцоўскім раёне супрацоўнікі БЭЗ Мінскай вобласці з доказамі злачынства пры атрыманні хабару затрымалі 51-гадовага дырэктара аграпрадпрыемства. Праваахоўнікі высветлілі, што са студзеня па красавік мужчына атрымліваў грашовыя ўзнагароды за спрыяльнае вырашэнне пытанняў закупкі мінеральных угнаенняў і кармавых дрожджаў, а таксама за кантроль своечасовай аплаты пастаўленага тавару.

Аператыўнікі затрымалі таксама з доказамі злачынства яго 61-гадовага «калегу» з Нясвіжскага раёна. Ён атрымаў у службовым кабінеце хабар за аналагічныя паслугі.

Пракуратурай распачаты крымінальныя справы за хабарніцтва.

Прэв’ю: МУС