Асноўная задача — поўная мабілізацыя ўсіх рэсурсаў з выхадам на прырост тэмпаў вытворчасці прадукцыі сельскай гаспадаркі на ўзроўні 6-7 працэнтаў і атрыманнем экспартнай выручкі ў аб’ёме не менш як $9 млрд. Аб гэтым сказаў прэм’ер-міністр Раман Галоўчанка ў час нарады па асобных пытаннях аграпрамысловага комплексу, перадае БелТА.
«Спачатку нарада планавалася па двух пытаннях — забеспячэнне паставак сучаснай тэхнікі ў рамках указа нумар 146 і па рабоце па барацьбе з неабгрунтаваным пасрэдніцтвам пры закупках у сельскагаспадарчай сферы. Але з улікам таго, што ўчора была праведзена маштабная нарада аб развіцці вёскі і павышэнні эфектыўнасці аграрнай галіны пад кіраўніцтвам кіраўніка дзяржавы, сёння неабходна ў першую чаргу пагаварыць аб задачах, якія былі пастаўлены не толькі перад аграрнай галіной, але і ўсёй вертыкаллю ўлады», — сказаў Раман Галоўчанка.
Прэм’ер-міністр нагадаў, што асноўная задача — гэта поўная мабілізацыя ўсіх рэсурсаў з выхадам на прырост тэмпаў вытворчасці прадукцыі сельскай гаспадаркі на ўзроўні 6-7 працэнтаў і атрыманнем экспартнай выручкі ў аб’ёме не менш як $9 млрд.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
