Рэгістрацыя для ўдзелу ў цэнтралізаваным экзамене (ЦЭ) у Беларусі завяршаецца 5 красавіка, паведамляе БелТА.
Рэгістрацыя 11-класнікаў на ЦЭ стартавала 20 сакавіка. Яе праводзяць установы агульнай сярэдняй адукацыі.
Разам з тым працягваецца рэгістрацыя на ЦТ, яна будзе праходзіць па 22 красавіка. Зарэгістравацца на ЦТ можна ў 40 пунктах анлайн праз асабісты кабінет удзельніка.
У 2024 годзе тэрміны правядзення ЦЭ і ЦТ будуць адзінымі. Так, 27 мая адбудзецца ЦЭ для 11-класнікаў па прадмеце на выбар і адначасова ЦТ для выпускнікоў мінулых гадоў па адным з двух профільных прадметаў — уступных экзаменаў у ВНУ на выбар абітурыентаў. ЦЭ для 11-класнікаў і адначасова ЦТ для выпускнікоў мінулых гадоў па беларускай або рускай мове пройдзе 30 мая (мова выбірае абітурыент). ЦТ па другому з двух профільных прадметаў — уступных экзаменаў у ВНУ на выбар абітурыентаў адбудзецца 3 і 6 чэрвеня.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
