На базе Рэспубліканскага цэнтра алімпійскай падрыхтоўкі «Стайкі» завяршыліся міжнародныя спаборніцтвы па спартыўнай гімнастыцы «Легенды гімнастыкі», паведамляе БелТА.
Удзел у турніры прынялі гімнасты з Беларусі, Казахстана і Расіі. У спаборніцтвах дарослых спартсменаў прадстаўнікі нашай краіны заваявалі 19 узнагарод: 1 залатую, 5 сярэбраных і 13 бронзавых. У мужчынскім мнагабор’і трэці вынік паказаў Аляксей Селязнёў, а ў камандным заліку зборныя Беларусь-1 і Беларусь-3 размясціліся на другім і трэцім радках адпаведна, уступіўшы расійскім атлетам.
У фіналах асобных відаў адзінае золата нашай краіне прынёс Ягор Шарамкоў, які перамог у вольных практыкаваннях. Таксама ў актыве Ягора бронза па выніках праграмы на кані. Трохразовым прызёрам стаў Селязнёў, на рахунку якога срэбра на брусах і дзве бронзы ў апорным скачку і вольных практыкаваннях. Тры асабістыя медалі заваяваў і Алег Цясельскі, які заняў другую пазіцыю на кані і трэція месцы на кольцах і перакладзіне. Бронза на брусах дасталася Багдану Іллінкаву.
У мнагабор’і сярод дзяўчат трэцюю суму балаў набрала наша Кіра Магарэвіч, у жаночым камандным заліку квартэты Беларусь-1 і Беларусь-2 выйгралі серабро і бронзу. Па выніках фіналаў асобных відаў Магарэвіч двойчы паднімалася на трэцюю прыступку пастамента (бервяно і вольныя практыкаванні). У апорным скачку таксама бронзу заваявала Дар’я Жукоўская, а на розных брусах уладальніцай сярэбранай узнагароды стала Алена Цітавец.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
