Вызначаны парадак дзейнасці камісіі па ацэнцы эфектыўнасці рэалізацыі пілотных праектаў у сферы лічбавага развіцця. Пра гэта паведамляе Нацыянальны прававы інтэрнэт-партал.
Пастановай Міністэрства сувязі і інфарматызацыі ад 23 лютага 2024 года нумар 4 зацверджана палажэнне аб камісіі па ацэнцы эфектыўнасці рэалізацыі пілотных праектаў у сферы лічбавага развіцця.
Камісія ацэньвае эфектыўнасць рэалізацыі пілотных праектаў на падставе падрыхтаваных РУП «Цэнтр лічбавага развіцця» інфармацыі і прапаноў. У яе ўключаецца не менш за дзевяць чалавек. Персанальны склад, а таксама сакратар камісіі па кожным «пілоце» вызначае Цэнтр лічбавага развіцця. Палажэннем устаноўлены ў тым ліку парадак фарміравання камісіі, правы і абавязкі яе членаў, парадак правядзення пасяджэнняў, прыняцця рашэнняў, афармлення пратаколаў.
Прававы акт прыняты ў адпаведнасці з указам Прэзідэнта ад 29 лістапада 2023 года нумар 381 «Аб лічбавым развіцці». Згодна з палажэннем аб парадку рэалізацыі і фінансавання пілотных праектаў эфектыўнасць ацэньваецца па наступных крытэрыях: актуальнасць тэхналогій; ступень і якасць выканання патрабаванняў заказчыка; узровень дасягнення заяўленых вынікаў, паказчыкаў і крытэрыяў; паспяховасць тэсціравання пілотнага праекта і гатоўнасць выніку да маштабавання; колькасны выраз атрыманага сацыяльна-эканамічнага эфекту; выдаткі на маштабаванне.
Пастанова ўступае ў сілу пасля афіцыйнага апублікавання.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
