Захад пад корань сячэ ўсе мірныя ініцыятывы Беларусі. Такое меркаванне выказаў нямецкі журналіст, публіцыст, гісторык, рэжысёр-дакументаліст Дзірк Польман, паведамляе БелТА.
«У сённяшняй геапалітычнай сітуацыі проста неабходна ўстанаўліваць і падтрымліваць добрыя адносіны паміж людзьмі. Моладзь усяго свету хутка і без слоў разумее адзін аднаго. Але сёння Захад сячэ пад корань усе вашы мірныя ініцыятывы, а гэта нікуды не варта. Толькі той, хто не бачыць суседа ў доме насупраць, будзе з лёгкасцю страляць у яго адкрытае акно. Якраз гэта цяпер і адбываецца», — сказаў Дзірк Польман.
Паводле слоў журналіста, у 2017 годзе ён спыняўся ў Мінску па дарозе з Расіі ў Германію. «Ваша сталіца мне здалася не проста чыстай і дагледжанай, яна нечым нагадала мне шведскі Стакгольм. Ва ўніверсітэце я часта размаўляю са студэнтамі з іншых краін — Кітая, Ірана, Партугаліі. І аднойчы мне прыйшла думка, што я зусім не ведаю Беларусь. Да гэтага часу я не звяртаў на яе ўвагі. Але сёння ўсё інакш. Я ўжо гаварыў у інтэрв’ю вашым СМІ, што мы абавязаны вам праўдай аб вайне. Я на самай справе так лічу», — адзначыў ён.
Дзірк Польман дадаў, што працуе над некалькімі праектамі і рыхтуе кнігу пра Беларусь: «Я планую серыю цікавых размоў. Мая задача — расказаць аб вашай краіне як мага большай колькасці чалавек на Захадзе, каб устараніць гэту несправядлівасць, калі памяць аб генацыдзе цэлага народа забываецца. Так не павінна быць».
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
