Прадстаўніцы Беларусі Марына Васілеўская і Анастасія Лянкова, якія праходзяць перадстартавую падрыхтоўку на касмадроме Байканур, у дзень 90-годдзя з дня нараджэння Юрыя Гагарына ўсклалі кветкі да помнікаў першапраходцаў космасу. Пра гэта паведамляе БелТА са спасылкай на прэс-службу Цэнтра падрыхтоўкі касманаўтаў ім. Ю.А. Гагарына.
«Сёння ў гонар 90-годдзя з дня нараджэння першага касманаўта планеты экіпажы, якія цяпер праходзяць перадстартавую падрыхтоўку на Байкануры, аддалі даніну памяці першапраходцам асваення касмічнай прасторы і ўсклалі кветкі да помнікаў Юрыю Аляксеевічу Гагарыну і Сяргею Паўлавічу Каралеву», — гаворыцца ў паведамленні цэнтра.
Удзельніцы касмічнага палёту ад Беларусі Марына Васілеўская і Анастасія Лянкова, касманаўты Раскосмаса Алег Навіцкі і Іван Вагнер, а таксама Астранаўты НАСА Трэйсі Дайсан і Дональд Петыт агледзелі экспазіцыю Музея гісторыі касмадрома Байканур. «Яны далучыліся да традыцый Казахстана, апрануўшыся ў народныя касцюмы, і пакінулі свае аўтографы і памятныя надпісы ў кнізе гасцей», — дадалі ў прэс-службе.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
