3 сакавіка ў сталічнай дзяржаўнай культурна-спартыўнай установе «Чыжоўка-Арэна» праходзяць міжнародныя спаборніцтвы па танцавальным спорце «Grand Cup».
— Сённяшнія спаборніцтвы — міжнародныя, бо ў мерапрыемстве ўдзельнічаюць танцоры не толькі з Беларусі, але яшчэ з Грузіі і Расіі. Па дадзеных папярэдняй рэгістрацыі ў турніры бяруць удзел каля 1700 танцораў (880 пар), — распавёў чытачам партала Выдавецкага дома «Звязда» намеснік старшыні Беларускай асацыяцыі танца Арцём Мірончык. — У Рэспубліцы Беларусь займаюцца спартыўнымі танцамі прыкладна пяць тысяч чалавек. Танцавальны спорт шырока прадстаўлены не толькі ў Мінску. Можна адзначыць моцных танцораў з Віцебскай, Гомельскай, Гродзенскай абласцей. Усім пераможцам у намінацыях будуць уручаны дыпломы, медалі і падарункі.
Арганізатарам спаборніцтваў выступілі Беларуская асацыяцыя танца, Беларускі альянс танцавальнага спорту пры падтрымцы Міністэрства спорту і турызму Рэспублікі Беларусь, Нацыянальнага алімпійскага камітэта Рэспублікі Беларусь і Прэзідэнцкага спартыўнага клуба.
Віктар Іванчыкаў
Фота: Віктар Іванчыкаў
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
