Басейн, прасторная зала для гульнявых відаў спорту, трэнажорная зала — у Крупках узводзяць сучасны фізкультурна-аздараўленчы комплекс. Аб асаблівасцях праекта расказалі ва УКБ Мінаблвыканкама, перадае БелТА.
«Складацца аб’ект будзе з двух карпусоў. У першым размесціцца плавальны басейн з вялікай і малой чашамі. У ім таксама будзе прадугледжаны шэраг дапаможных памяшканняў — распранальні, душавыя, станцыя хімпадрыхтоўкі вады і інш. Структура другога корпуса прадугледжвае наяўнасць залы для гульнявых відаў спорту, а таксама трэнажорнай залы са сваімі санітарнымі зонамі», — распавялі ва УКБ Мінаблвыканкама. Як адзначылі ў арганізацыі, новы ФАК будзе ўпісаны ў агульную структуру новага мікрараёна шматпавярховай забудовы Крупак.
«Падача цяпла і падагрэў вады будзе ажыццяўляцца ўласнай асобнай кацельняй. Праектам таксама прадугледжана агульнае добраўпарадкаванне тэрыторыі з фарміраваннем зялёнай зоны і паркоўкай», — адзначылі ва УКБ.
Генеральным падрадчыкам будаўніцтва выступае ААТ «Будкомплекс». Аб’ект плануюць увесці ў эксплуатацыю да канца 2024 года.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
