Юныя беларускія спартсмены заваявалі першыя ўзнагароды на І Зімовых міжнародных спартыўных гульнях «Дзеці Прымор’я», паведамляе БеТА са спасылкай на прэс-службу НАК Беларусі.
Сёння ва Уладзівастоку лыжнікі вызначалі наймацнейшых у гонках з раздзельнага старту свабодным стылем. Сярод дзяўчат дыстанцыю ў пяць кіламетраў хутчэй за ўсіх пераадолела наша Аляксандра Парфёнава (11:34,30 сек), стаўшы тым самым першай беларускай чэмпіёнкай гульняў. Яе сяброўка па камандзе Лізавета Пугачова заваявала бронзу, яшчэ адна беларуска Людміла Тарубарава паказала чацвёрты вынік. У хлопцаў на дыстанцыі 7,5 км бронзавым прызёрам стаў наш Сяргей Парфёнаў (16:30,20 сек).
Не прымусіла сябе чакаць і першы медаль спаборніцтваў па шорт-трэку, якія прымае Усурыйск. На дыстанцыі 500 метраў у дзяўчат бронзу выйграла наша Сафія Спарыш, яе суайчынніца Варвала Курыла перасекла фінішную лінію чацвёртай. Золата і серабро ў гэтым відзе праграмы дасталася кітайскім спартсменкам.
I Зімовыя міжнародныя спартыўныя гульні «Дзеці Прымор’я» сабралі больш за тысячу хлопчыкаў і дзяўчынак з Прыморскага краю і Далёкаўсходняй федэральнай акругі РФ, а таксама Беларусі, Кітая, КНДР і Узбекістана. Нашу каманду прадстаўляюць 28 юных спартсменаў. У праграму спаборніцтваў, якія прадоўжацца па 23 лютага, увайшлі лыжныя гонкі, сноўбордынг, гарналыжны спорт, кёрлінг, фігурнае катанне, шорт-трэк, хакей і фіджытал-хакей.
Прэв’ю: НАК Беларусі
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».