16 лютага адбылося закрыццё агульнагарадскога дабрачыннага марафону «З добрым сэрцам у кожны дом».
Вынікі праекта падвялі ў культурным духоўна-асветніцкім цэнтры «Каўчэг» з запрашэннем сем’яў, якія прынялі ўдзел у марафоне, прадпрыемстваў, устаноў, арганізацый, якія аказалі дапамогу дзецям, а таксама зорак беларускай эстрады.
Перад пачаткам мерапрыемства прайшло набажэнства.
Да прысутных звярнуліся мітрапаліт Мінскі і Заслаўскі Веніямін, Патрыяршы Экзарх усяе Беларусі, першы намеснік старшыні Мінгарвыканкама Надзея Лазарэвіч, старшыня Мінскай гарадской арганізацыі грамадскага аб’яднання «Беларускі саюз жанчын» Вольга Чамаданава.
Прадстаўнікам калектываў 29 дзяржаўных прадпрыемстваў, навучальных устаноў, грамадскіх аб’яднанняў і арганізацый былі ўручаны падзякі за вялікі ўклад у жыцці асаблівых дзяцей.
Бацькі гэтых дзяцей, якія ўдзельнічалі ў дабрачынным марафоне, атрымалі сертыфікаты на пералічэнне грашовых сродкаў.
Вольга Чамаданава павіншавала з Днём нараджэння пятнаццацігадовага Рамана Сінькевіча, які ў гэты дзень не застаўся без торта і падарунка.
З удзячнасцю за бескарыслівую, такую неабходную дапамогу, ад імя ўсіх бацькоў выступіла маці Юлія Анашачкіна.
У канцэртнай праграме прынялі ўдзел Ганна Благава, Мікіта Фаміных, Яўген Курчыч, Кацярына Шумская, балет «Ф’южэн», Аляксандр Сухараў і Алена Мельнікава, лаўрэаты спецыяльнай прэміі Прэзідэнта Рэспублікі Беларусь дзеячам культуры і мастацтва — творчая майстэрня эстраднага мастацтва «Хвілінян» «НЕБА Sound».
Віктар ІВАНЧЫКАЎ
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
