Пачынаючы з 9 лютага, выбаршчыкі маюць права звярнуцца ва ўчастковую выбарчую камісію па месцы сваёй рэгістрацыі і ўдакладніць, ці ўключаны яны ў спіс выбаршчыкаў, а таксама праверыць правільнасць указаных аб іх звестак.
Калі грамадзянін мае жаданне прагаласаваць не па месцы рэгістрацыі, а па месцы пражывання, то ў яго ёсць права звярнуцца ва ўчастковую выбарчую камісію па месцы пражывання ў перыяд з 9 па 24 лютага 2024 года. Чалавек можа быць уключаны ў спіс выбаршчыкаў па месцы пражывання на падставе пашпарта (ідэнтыфікацыйнай карты) грамадзяніна Рэспублікі Беларусь і пры наяўнасці дакумента, які пацвярджае пражыванне на тэрыторыі ўчастка для галасавання (напрыклад, дагавора куплі-продажу, дагавора найму, зарэгістраванага ў выканкаме, або іншага дакумента, які пацвярджае пражыванне).
У адзіны дзень галасавання — 25 лютага 2024 года — уключэнне ў спіс выбаршчыкаў, якія не зарэгістраваны на тэрыторыі ўчастка для галасавання, не прадугледжана законам.
З 9 па 19 лютага 2024 г. участковыя выбарчыя камісіі працуюць з панядзелка па пятніцу з 17:00 да 19:00 гадзін. У суботу — з 12:00 да 14:00 гадзін.
Вераніка КАНЮТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
