Беларускія суды змянілі графік работы для аператыўнага разгляду скаргаў падчас выбарчай кампаніі. Аб гэтым паведаміў першы намеснік старшыні Вярхоўнага Суда Валерый Калінковіч на сустрэчы з кіраўніком штаба місіі назіральнікаў ад СНД Леанідам Анфімавым, паведамляе БелТА са спасылкай на прэс-службу ВС.
Валерый Калінковіч адзначыў, што цяперашняя электаральная кампанія ўпершыню праводзіцца па абноўленым выбарчым заканадаўстве, якім унесены навацыі і ў судовую кампетэнцыю па разглядзе скаргаў, звязаных з правядзеннем выбарчай кампаніі, і ў іерархію судовых інстанцый, якія гэтыя справы павінны разглядаць. «У цэлым заканадаўства дастаткова зразумелае і простае. Яно стварае магчымасці ўсім удзельнікам выбарчай кампаніі, якія жадаюць абараніць свае правы ў судзе па пытаннях, аднесеных да кампетэнцыі судоў, гэта зрабіць», — сказаў першы намеснік старшыні ВС.
Разам з тым, звярнуў ён увагу, дастаткова кароткія тэрміны выбарчай кампаніі патрабуюць аператыўнага вырашэння ўсіх пытанняў. Для разгляду ў судзе скаргаў на дзеянні выбарчых камісій законам устаноўлены таксама дастаткова кароткія тэрміны. «З улікам гэтага ў сістэме судоў агульнай юрысдыкцыі прыняты пэўныя арганізацыйныя меры, якімі на перыяд правядзення выбарчай кампаніі ўнесены змяненні ў графік работы судоў, каб кожны ўдзельнік выбарчага працэсу, які жадае звярнуцца па судовую абарону, мог рэалізаваць сваё права, у тым ліку і ў непрацоўныя дні», — звярнуў увагу Валерый Калінковіч.
На сёння ВС ацэньвае сітуацыю, у якой праходзіць электаральная кампанія, як спакойную і кантралюемую. На 7 лютага ў суды паступіла шэсць скаргаў, звязаных з выбарчай кампаніяй. «Сістэма судоў агульнай юрысдыкцыі гатова аператыўна і з добрай якасцю вырашыць усе пытанні, звязаныя з выбарчай кампаніяй, і прыняць па ўсіх скаргах законныя і справядлівыя судовыя рашэнні», — адзначыў першы намеснік старшыні ВС.
Леанід Анфімаў звярнуў увагу на асаблівасці работы місіі ў перыяд электаральнай кампаніі. Ён падкрэсліў, што місія назіральнікаў ад СНД зацікаўлена даць аб’ектыўную карціну таго, што адбываецца, ацаніць работу дзяржаўных органаў, Цэнтральнай выбарчай камісіі, а таксама мясцовых органаў улады па правядзенні выбараў, зыходзячы з прынцыпу нейтральнасці і неўмяшання ва ўнутраныя справы дзяржавы.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.