Сярод гасцей і ўдзельнікаў XXXI Мінскай міжнароднай выстаўкі-кірмаша, якая сёлета пачне сваю працу ў сталіцы Беларусі 14 сакавіка, — і кітайскія кнігавыдаўцы і пісьменнікі.
Гасці з Кітайскай Народнай Рэспублікі (мяркуецца, што дэлегацыя будзе даволі прадстаўнічай — каля дзесяці чалавек) пазнаёмяць са сваімі творчымі здабыткамі, лепшымі ўзорамі кніг, выдадзеных у Пекіне, Шанхаі, іншых кніжных сталіцах Паднябеснай.
Кітайскія кнігавыдаўцы і пісьменнікі, акрамя мноства прэзентацый, сустрэч непасрэдна на выставе, наведаюць беларускае выдавецтва «Усходняя культура», якое ўжо атрымала высокі аўтарытэт у нашай краіне, а таксама кнігарню «Шанц». Пройдуць сустрэчы з кітайскімі сябрамі і ў Выдавецкім доме «Звязда» і ў Саюзе пісьменнікаў Беларусі, дзе будуць арганізаваны невялікія выстаўкі кніг кітайскіх аўтараў у перакладзе на беларускую мову.
Пазнаёмяцца госці і з шэрагам бібліятэк Мінска, наведаюцца ў розныя кнігарні ААТ «Белкніга».
«Мы спадзяемся, што сакавіцкія сустрэчы з кітайскімі пісьменнікамі паспрыяюць пашырэнню стасункаў на ніве беларуска-кітайскага літаратурнага пабрацімства», — пракаменіцраваў навіну старшыня Саюза пісьменнікаў Беларусі, дырэктар — галоўны рэдактар Выдавецкага дома «Звязда» Алесь Карлюкевіч.
Сяргей ШЫЧКО
Прэв’ю: unsplash.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
