Акрамя місіі СНД, для назірання за выбарамі дэпутатаў у Адзіны дзень галасавання былі запрошаны прадстаўнікі ШАС, Парламенцкай асамблеі АДКБ, Саюзнай дзяржавы і індывідуальныя эксперты, у тым ліку з краін Еўрасаюза. Аб гэтым журналістам заявіў старшыня Цэнтральнай выбарчай камісіі Ігар Карпенка, які правёў сустрэчу з генеральным сакратаром СНД, кіраўніком місіі назіральнікаў ад СНД за выбарамі дэпутатаў у Адзіны дзень галасавання Сяргеем Лебедзевым, перадае БелТА.
«Мы ўжо акрэдытавалі 58 міжнародных наглядальнікаў. Сёння быў дадзены старт адкрыццю штаба місіі СНД, якую ўзначаліць першы намеснік генеральнага сакратара СНД Леанід Васільевіч Анфімаў», — сказаў Ігар Карпенка.
Паводле слоў старшыні ЦВК, акрамя місіі СНД былі запрошаны прадстаўнікі ШАС, Парламенцкай асамблеі АДКБ, Саюзнай дзяржавы і індывідуальныя эксперты, у тым ліку з краін Еўрасаюза. «У адпаведнасці з заканадаўствам мы ўсіх акрэдытуем, выдадзім адпаведныя пасведчанні, і ўсе наглядальнікі ў рамках выбарчай кампаніі змогуць азнаёміцца з усёй інфармацыяй, наведаць выбарчыя ўчасткі, акруговыя і тэрытарыяльныя камісіі», — запэўніў ён.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.