Час, калі свечкі служылі крыніцай святла, скончыўся са з’яўленнем электрычнасці. Але іх да гэтага часу выкарыстоўваюць для стварэння рамантычнай або медытатыўнай атмасферы, раслаблення ў ванне, дэкарыравання і араматызацыі памяшкання. Яны маюць розны дызайн і пах. Але ці ўсе з іх бяспечныя, і ці варта рызыкаваць здароўем дзеля арыгінальнай формы ці водару? Разбіраемся разам з урачом-лабарантам Мінскага абласнога цэнтра гігіены і эпідэміялогіі Святланай Клімук, як абраць бяспечную свечку для дома.
Трэба ведаць, што свечкі бываюць васковыя (натуральныя, зробленыя з пчалінага, соевага воску) і парафінавыя (атрымліваюць з нафты і сланцу). У парафінавыя свечкі часта дадаюцца араматызатары і фарбавальнікі.
— Парафін пры гарэнні вылучае ў паветра бензол і талуол, вельмі шкодныя для жывога арганізма канцэрагены, — папярэджвае ўрач. — Нароўні з канцэрагенным бензол валодае мутагенным, ганадатаксічным, эмбрыятаксічным, тэратагенным і алергічным дзеяннямі. Талуол — яд агульнатаксічнага дзеяння, які выклікае вострыя і хранічныя атручванні. Яго раздражняльны эфект выяўлены мацней, чым у бензолу. Ён выклікае эндакрынныя парушэнні і зніжае працаздольнасць, працяглы кантакт з малымі дозамі талуолу можа ўплываць на кроў. У сілу высокай растваральнасці ў ліпідах і тлушчах талуол назапашваецца пераважна ў клетках цэнтральнай нервовай сістэмы.
У якасці замацавальніка ўстойлівасці водару шматлікія вытворцы ўжываюць складанае злучэнне — дыэтылфталат.
— Ён можа выклікаць алергічныя рэакцыі і экзэму, галавакружэнне, галаўны боль, парушэнне рытму дыхання, слёзацёчнасць, млоснасць і ваніты. Валодае тэратагенным і мутагенным дзеяннем, што вельмі небяспечна для цяжарных. Пры рэгулярным уздзеянні можа паражаць нервовую і дыхальную сістэмы, унутраныя органы і форменныя элементы крыві, спрыяць утварэнню злаякасных пухлін. Нават калі свечка араматызаваная натуральнымі эфірнымі алеямі, араматызатар падчас прагарае, алей моцна награваецца, змяняецца яго хімічная структура і скажаецца водар. Таму злоўжываць нават натуральнымі араматычнымі свечкамі не трэба, — рэкамендуе Святлана Клімук.
Рэдкае ўжыванне парафінавых свечак не прынясе нейкай моцнай шкоды, але сістэматычнае выкарыстанне будзе мець уздзеянне на арганізм.
Васковыя свечкі цалкам зроблены з натуральных рэчываў, яны не ўчыняць шкоду здароўю, нават калі іх гарыць велізарная колькасць. Такія свечкі часта выкарыстоўваюць для стварэння рамантычнай абстаноўкі, для зняцця стрэсу або ў перыяд эпідэмій. Сёння папулярнасць набірае соевы воск — ён на 100% бяспечны, танней пчалінага, не ўтрымлівае хімічных рэчываў.
Для таго каб не прынесці шкоду здароўю пры выкарыстанні свечак трэба прытрымлівацца наступных правілаў:
1. Купляйце бяспечныя араматычныя свечкі з прыроднага воску — пчалінага ці соевага, з натуральнымі араматызатарамі.
2. Запальвайце свечкі не часцей за 2-3 разы ў тыдзень, прыкладна на паўгадзіны.
3. Запальвайце свечкі ў добра праветраным памяшканні і ніколі не пакідайце іх гарэць на ноч.
4. Купляйце свечкі ў спецыялізаваных крамах, дзе ёсць дакументы, якія пацвярджаюць іх бяспеку і якасць.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.