Чакаецца, што сёлета агульны аб’ём вытворчасці галіны перавысіць 300 мільярдаў юаняў (каля 41,8 мільярда долараў), заявіў старшыня Кітайскай асацыяцыі анімацыі Ма Лі. «Анімацыя глыбока ўвайшла ў жыццё чалавека ў лічбавую эпоху і цесна пераплятаецца з сацыяльным развіццём, ствараючы вялізную прамысловую каштоўнасць», — адзначыў Ма Лі.
У апошнія гады хваля анімацыйных блокбастараў, ад папулярнасці айчыннага фэнтэзі «Не Чжа», які ўзначаліў штогадовы чарт касавых збораў у 2019 годзе, да поспеху фільма «Чан Ань», які распавядае пра «бессмяротнага паэта» Ці Бо, прыцягвае шырокую ўвагу, падаграваючы надзеі на ўзлёт кітайскай індустрыі анімэ. Адаптаваныя пад вядомыя народныя легенды і глыбока ўкаранёныя ў кітайскай культуры, гэтыя анімацыйныя фільмы стварылі ўнікальны стыль апавядання, што дазволіла ім трывала замацавацца на сусветным рынку анімацыі, дзе раней упарта дамінавалі ЗША і Японія.
Агульны кошт прадукцыі кітайскай анімацыйнай індустрыі рэзка ўзрос: з 88,2 млрд. юаняў у 2013-м да 221,2 млрд. юаняў у 2020-м, як паказалі дадзеныя. Адзначаючы высокую якасць кітайскай анімацыйнай прадукцыі і вялізны рынкавы патэнцыял, усё большая колькасць глабальных інвестараў і ўдзельнікаў рынку робяць стаўку на гэты сектар. У якасці прыкладу можна прывесці паспяховае выхад на замежны кінарынак айчыннага CG-анімацыйнага серыяла «Атрад аленяў». Арыгінальны дзіцячы мультык, створаны кампаніяй iQIYI сумесна з Nickelodeon, упершыню выйшаў у эфір на канале Nickelodeon International у жніўні 2020-га і быў добра прыняты ва ўсім свеце.
— Улічваючы высокую аўдыторыю гледачоў у Вялікабрытаніі, Аўстраліі і Паўночнай Амерыцы, кампанія Paramount папярэдне набыла правы на замежную трансляцыю чацвёртага сезона серыяла на стадыі распрацоўкі сцэнарыя, — заявіў віцэ-прэзідэнт кампаніі iQIYI Ян Сяасюань.
Энтузіязм кітайскіх гледачоў, праяўлены не толькі ў кіназалах, але і ў турыстычным сектары, садзейнічаў развіццю турызму. Напрыклад, усяго праз 10 дзён пасля выхаду мультфільма «Чан Ань» колькасць заказаў столікаў ад іншагародніх турыстаў у рэстаранах Сіаня (правінцыя Шэньсі, Паўночна-Заходні Кітай) павялічылася на 387 працэнтаў у параўнанні з мінулым годам. Колькасць забраніраваных іншагароднімі турыстамі нумароў у гасцініцах і хостэлах узрасла на 339 працэнтаў, а продажы білетаў у маляўнічыя мясціны павялічыліся ў 29 разоў.
Імклівы рост галіны неаддзельны ад дзяржаўнай падтрымкі. У плане развіцця культурнай індустрыі Кітая на XIV пяцігодку (2021-2025 гг.) адзначаецца, што краіна мае намер працягваць падвышаць якасць анімацыйнай індустрыі, ствараць брэнды і спрыяць развіццю ўсяго прамысловага ланцужка. Мясцовыя ўлады праводзяць палітыку падатковых ільгот і рэгулявання аўтарскіх правоў, каб падтрымаць галіну. Раён Січэн у Пекіне штогод інвестуе 50 мільёнаў юаняў у спецыяльныя фонды для падтрымкі галін, звязаных з анімацыяй. Намеснік дырэктара Банка Пекіна Дай Вэй заявіў, што банк мае намер узмацніць падтрымку анімацыйнай індустрыі, якая сфарміравалася ў краіне, паабяцаўшы прадастаўляць комплексныя фінансавыя паслугі, якія ахопліваюць усе прамысловыя ланцужкі ў анімацыйным сектары.
Па словах Дай Вэя, Банк Пекіна будзе ствараць новыя фінансавыя прадукты для развіцця галін, звязаных з анімацыяй, і пашыраць крэдытную падтрымку прадпрыемстваў анімацыйнага сектара.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
