Падраздзяленне створана на базе вайсковай часці 3310. Задачы, ускладзеныя на байцоў атрада, — барацьба з дыверсійна-разведвальнымі групамі і незаконнымі ўзброенымі фарміраваннямі.
Міністр унутраных спраў азнаёміўся з экіпіроўкай, тэхнікай і ўзбраеннем новага падраздзялення. Пры адпрацоўцы розных уступных вайскоўцы прадэманстравалі свае навыкі і ўменні.
Рашэнне аб стварэнні ва ўсіх рэгіёнах спецыяльных падраздзяленняў, гатовых гарантаваць бяспеку нашых грамадзян у любых умовах і ў любым пункце краіны, было прынята кіраўніком міліцэйскага ведамства паўтара года таму.
— Дзякую, што прынялі рашэнне служыць у такім падраздзяленні, — звярнуўся Іван Кубракоў да асабовага складу. — Вы — сапраўдныя патрыёты сваёй краіны! Упэўнены, кожны з вас, калі спатрэбіцца, неадкладна прыйдзе на дапамогу людзям і стане на іх абарону. Нават коштам свайго жыцця. А гатоўнасць да самаахвяравання — гэта ўжо подзвіг! Жадаю вам моцнага здароўя, удачы і ўсяго найлепшага, а атраду — даўгалецця і росквіту.
Міністр нацэліў камандзіраў і байцоў на працяг планамернай працы па павышэнні ўзроўню прафесійнай падрыхтоўкі. Тым, хто найбольш вызначыўся, уручыў заслужаныя ўзнагароды.
У сваю чаргу, намеснік міністра — камандуючы ўнутранымі войскамі Мікалай Карпянкоў уручыў кіраўніку ведамства крапавы берэт, які з’яўляецца сімвалам мужнасці, доблесці і адвагі. «Задачы, якія мне даводзілася выконваць усе гэтыя гады, рэалізоўваліся сумесна з унутранымі войскамі, — заўважыў Іван Кубракоў. — Ды і пачынаў я менавіта там. Хачу запэўніць: я з вамі заўсёды ў адным страі. Перакананы, у нас усё атрымаецца!»
Вераніка КАНЮТА
Фота прэс-службы МУС
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
