9-10 снежня ў сталічным Палацы спорту адбыліся міжнародныя спаборніцтвы па танцавальным спорце «Alliance Trophy 2023».
Для ўдзелу ў турніры было зарэгістравана 1519 пар (з іх унікальных — 962) з Арменіі, Беларусі, Казахстана, Кыргызстана, Малдовы, Расіі і Узбекістана.
У час цырымоніі адкрыцця спаборніцтваў старшыня праўлення Асацыяцыі «Беларускі альянс танцавальнага спорту» Антон Юспа абвясціў прывітанне старшыні Савета Рэспублікі Нацыянальнага сходу Рэспублікі Беларусь Наталлі Качанавай, выказаў словы падзякі суарганізатарам, партнёрам і аб’явіў спаборніцтвы адкрытымі.
На працягу двух дзён спартыўныя пары ўсіх узростаў змагаліся за перамогу і прызавыя месцы ў класавых і адкрытых катэгорыях у розных дысцыплінах.
Усім пераможцам у намінацыях былі ўручаны дыпломы, медалі і падарункі.
Арганізатарам спаборніцтваў выступілі Асацыяцыя «БАТС» пры падтрымцы Міністэрства спорту і турызму Рэспублікі Беларусь, Нацыянальнага алімпійскага камітэта Рэспублікі Беларусь і Прэзідэнцкага спартыўнага клуба.
Віктар ІВАНЧЫКАЎ
Фота: Віктар ІВАНЧЫКАЎ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
