Мастак Мікалай Таранда радуе не толькі наведвальнікаў сваіх прыцягальных выставак, вернісажаў, але і айчынных чытачоў. У апошнія гады пабачылі свет некалькі альбомаў з рэпрадукцыямі яго прац. Зусім нядаўна выйшаў яшчэ адзін прадстаўнічы фаліянт — «Мікалай Таранда. Жывапіс і графіка».
Творца прадставіў аматарам выяўленчага мастацтва дзясяткі сваіх прац. Поруч з выявамі карцін мы маем магчымасць пазнаёміцца з яго графічнымі творамі.
«Сенежскае возера» (такая назва ў цыкла прац), «Заводскі раён», «Давыд-Гарадок», «Палеская восень»... Мастак не проста запрашае ў падарожжа па маляўнічай Беларусі, ён знаёміць з людзьмі розных прафесій. Мікалай Таранда расказвае пра нашых з вамі сучаснікаў, расказвае пераканаўча і ўзвышана.
«Чытаючы» творы таленавітага, яркага жывапісца і графіка, насычаешся цеплынёй і дабрынёю, узбагачаешся на розныя асэнсаванні прыгожага, разумнага існавання ў нашым няпростым свеце.
Застаецца толькі павіншаваць выдавецтва «Аверсэв» і самога мастака з добрым творчым кніжным праектам. Бездакорны дызайн, прыгожы друк — і гэта таксама прымушае зняць альбом з паліцы кнігарні.
Раман СЭРВАЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
