На самай справе сёлетні верасень падарыў нам з вамі магчымасць яшчэ адзін месяц атрымліваць асалоду ад летняга цяпла. У гэты час надвор’е «наштампавала» мноства рэкордаў. Так, у Мінску і Магілёве ў першым месяцы восені (па падліках сіноптыкаў) усяго 5 дзён максімальная тэмпература паветра апускалася ніжэй за плюс 20 градусаў, а ў Брэсце і Гродне ў верасні было ўсяго па адным такім дні. У Гомелі дзён з тэмпературай паветра ніжэй чым плюс 20 градусаў было ўсяго 3, а Віцебску — 6. Цёплае і сухое надвор’е захаваецца і ў пятніцу, а вось у апошні вераснёўскі дзень надвор’е пачне змяняцца, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе без ападкаў. Тэмпература паветра ўначы складзе плюс 7–13 градусаў, а месцамі — плюс 3–6 градусаў. Днём паветра прагрэецца да 22–27 градусаў.
У суботу ноччу надвор’е прагназуецца пераважна без ападкаў, раніцай і днём на большай частцы тэрыторыі краіны пройдуць кароткачасовыя дажджы. У дзённыя гадзіны ў асобных раёнах магчымыя навальніцы. Ноччу і раніцай па паўднёвым усходзе слабы туман. Тэмпература паветра ўначы будзе ў межах ад 5 градусаў па паўднёвым усходзе да 16 градусаў па захадзе, а днём — ад плюс 16 градусаў у паўночна-заходніх раёнах да 26 градусаў у паўднёва-ўсходніх.
Паводле інфармацыі сіноптыкаў, з пачаткам кастрычніка пры паступленні больш халодных паветранай масы з паўночнага захаду Еўропы тэмпературны фон панізіцца, але ўсё роўна яшчэ будзе на 1–4 градусы вышэй за кліматычную норму. У нядзелю ноччу на большай частцы тэрыторыі, днём месцамі па краіне прагназуюцца кароткачасовыя дажджы. У начныя і ранішнія гадзіны ў асобных раёнах магчымы слабы туман. Уначы чакаецца 4–11 градусаў, а па паўднёвым усходзе — да 13 градусаў. Днём тэмпература дасягне плюс 13–20 градусаў.
У панядзелак у асобных раёнах краіны пройдуць невялікія кароткачасовыя дажджы. Ноччу і раніцай згусціцца слабы туман. Тэмпература паветра ўначы будзе вагацца ад 3 да 10 градусаў, а ўдзень — ад 12 да 19 градусаў.
У аўторак месцамі па краіне чакаюцца кароткачасовыя дажджы. У начныя і ранішнія гадзіны згусціцца слабы туман. Уначы сіноптыкі абяцаюць 3–10 градусаў, а ўдзень — 16–23 градусы. У сераду на большай частцы тэрыторыі краіны пройдуць дажджы. Тэмпература паветра ўначы падымецца да плюс 7–14 градусаў, а ўдзень — да 12–19 градусаў. Па паўднёвым усходзе паветра прагрэецца да 20–23 цяпла.
Такую прыродную анамалію можна ўбачыць на трасе паблізу вёскі Федзькавічы, што ў Жабінкаўскім раёне. Каштаны абсыпаныя пладамі, лістота практычна ўсюды пожухла. Тым дзіўней назіраць асобныя квітнеючыя гронкі. Дарэчы, адзін з каштанаў цалкам апрануты ў зеляніну і кветкі, як быццам цяпер канец вясны, а не пачатак восені.
Паўторнае красаванне можна назіраць пасля экстрэмальных умоў (засухі і спякоты), якія склаліся гэтым летам. На такія незвычайныя для гэтай пары года паводзіны раслін правакуюць пахаладанне і дажджы, а потым зноў пацяпленне. У Брэсцкай вобласці гэта не адзінкавы выпадак паўторнага цвіцення гэтай восенню. Напрыклад, у пачатку верасня на тэрыторыі Брэсцкай гарадской бальніцы № 1 можна было ўбачыць квітнеючы бэз.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.