Гэты тыдзень у нашай краіне быў пад знакам зоны павышанага атмасфернага ціску. Нягледзячы на тое, што ночы ўжо па-асенняму халодныя, днём ва ўмовах малавоблачнага надвор'я вераснёўскае сонца выгравае паветра да 19—25 градусаў, а па паўднёвым захадзе краіны яшчэ на пару градусаў цяплей. А ў гэтыя выхадныя антыцыклон «Патрысія» працягне ўтрымліваць у Беларусі цёплае і без ападкаў надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У пятніцу раніцай у асобных раёнах згусціцца слабы туман. Днём паветра прагрэецца да 19—25 градусаў, па захадзе — да 27 цяпла. У першы дзень выхадных чакаецца камфортнае надвор'е. У гэты дзень ноччу і раніцай у асобных раёнах згусціцца слабы туман. Тэмпература паветра ўначы будзе ў межах ад 2 да 9 цяпла, а па заходняй частцы месцамі — да 12 градусаў. Удзень чакаецца 19—25 градусаў, у паўднёва-заходніх раёнах — да 27 цяпла.
Ноччу і раніцай у нядзелю ў асобных раёнах магчымы слабы туман. Уначы тэмпература паветра будзе вагацца ад 3 да 10 градусаў, а па заходняй частцы месцамі — ад 11 да 13 цяпла. Днём слупок тэрмометра паднімецца да 20—26 градусаў, а па паўднёвым захадзе стане нават горача, калі ў разгар дня чакаецца да 28 градусаў.
Згодна з папярэднім прагнозам айчынных сіноптыкаў, наступны тыдзень таксама пачнецца пад знакам антыцыклону, а гэта значыць, што на дажджы асабліва разлічваць не варта. Пры гэтым у начныя гадзіны тэмпература будзе вагацца ад 7 да 16 градусаў. У ноч на панядзелак месцамі паветра будзе халодным, калі тэмпература апусціцца да 4—6 градусаў. У сярэдзине дня слупкі тэрмометраў па краіне пакажуць 20—29 градусаў. Чакаецца без ападкаў. Ноччу і раніцай у асобных раёнах згусціцца слабы туман.
У аўторак і сераду прагназуецца пераважна без ападкаў. Уначы і раніцай у асобных раёнах чакаецца слабы туман. Начная тэмпература будзе ад 7 да 14 градусаў, а па захадзе — да 16 градусаў. Днём паветра прагрэецца да 22—29 градусаў. Лета працягваецца.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
