Узбекістан з’яўляецца для Беларусі ключавым партнёрам у Цэнтральнай Азіі, і мы зацікаўлены развіваць адносіны па ўсіх напрамках, заявіў старшыня Палаты прадстаўнікоў Уладзімір Андрэйчанка ў час сустрэчы з парламенцкай дэлегацыяй Узбекістана на чале са старшынёй Сената Олій Мажліса Танзілой Нарбаевай, перадае БелТА.
«Узбекістан для нас з’яўляецца ключавым партнёрам у Цэнтральнай Азіі, і мы зацікаўлены развіваць адносіны па ўсіх напрамках. Нашы адносіны заўсёды развіваліся паступальна. Але самае галоўнае, што на сённяшні дзень у нас няма нявырашаных пытанняў», — сказаў Уладзімір Андрэйчанка.
Па запрашэнні Савета Рэспублікі Нацыянальнага сходу Беларусі нашу краіну з афіцыйным візітам наведвае парламенцкая дэлегацыя Узбекістана на чале са старшынёй Сената Олій Мажліса Танзілой Нарбаевай. У час візіту арганізавана правядзенне Першага беларуска-ўзбекскага жаночага бізнес-форуму. Напярэдадні прайшлі секцыйныя пасяджэнні. Сёння адбудзецца ключавое мерапрыемства бізнес-форуму — пленарнае пасяджэнне на тэму «Жанчыны ў бізнесе — патэнцыял для развіцця дзелавога супрацоўніцтва Беларусі і Узбекістана».
Арганізатар форуму — Савет Рэспублікі Нацыянальнага сходу Беларусі.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».